Upcoming IPO 2025 : नव्या वर्षात येतायत ११ मोठ्या कंपन्यांचे आयपीओ; यादीत टाटा ग्रुपमधील कंपनीचंही नाव

२०२५ मध्ये अनेक आयपीओ लाँच होणार आहेत. सेबीनं ३५ पेक्षा जास्त कंपन्यांना पुढील वर्षी आयपीओ लाँच करण्याची मंजुरी दिली आहे. २०२५ मधील प्रमुख आयपीओमध्ये एलजी इलेक्ट्रॉनिक्स इंडिया प्रायव्हेट, टाटा कॅपिटल लिमिटेड, एथर ई अशा आयपीओचा समावेश आहे. जाणून घेऊया सविस्तर...

हेही वाचा: तज्ज्ञांनी सुचवलेले १० शेअर करू शकतात तुमच्या वर्षाचा शेवट गोड! जाणून घ्या नावं

एलजी इलेक्ट्रॉनिक्स इंडिया

हा २०२५ मधील बहुप्रतीक्षित आयपीओपैकी एक आहे. दक्षिण कोरियाच्या देशांतर्गत उपकरण उत्पादक कंपनीची भारतीय शाखा पुढील वर्षी आपला आयपीओ लाँच करण्याच्या तयारीत आहे. कंपनीनं नुकताच आयपीओसाठी सेबीकडे मसुदा सादर केला आहे. त्यानुसार, सुमारे १५,२३७ कोटी रुपयांच्या १०.०१ कोटी समभागांच्या विक्रीस काढले जाणार आहेत.

हेक्सावेअर टेक्नॉलॉजीज

हेक्सावेअर टेक्नॉलॉजीज लिमिटेडनं आपल्या प्राथमिक समभाग विक्रीद्वारे ९,९५० कोटी रुपये उभे करण्याचं उद्दिष्ट ठेवलं आहे. कंपनीच्या आगामी आयपीओकडं भारतातील आयटी फर्मची आतापर्यंतची सर्वात मोठी सार्वजनिक ऑफर म्हणून पाहिलं जात आहे. सेबीकडे दाखल करण्यात आलेल्या 'रेड हेरिंग प्रॉस्पेक्टस'च्या मसुद्यानुसार, हा आयपीओ केवळ ओएफएसचा भाग असेल. शेअर बाजारातून काढून टाकल्यानंतर पुन्हा लिस्ट करण्याचं कंपनीचे उद्दिष्ट आहे.

एथर एनर्जी

एथर एनर्जी २०२५ मध्ये भारतीय शेअर बाजारात पदार्पण करण्याच्या विचारात आहे. २०२४ मध्ये ओला इलेक्ट्रिक बाजारात आणल्यानंतर एथर एनर्जीचा आयपीओ हा ईव्ही कंपनीचा पहिला पब्लिक इश्यू असण्याची शक्यता आहे. नवीन समभाग जारी करून ३,१०० कोटी रुपये उभे करण्याचं कंपनीचं उद्दिष्ट आहे. या आयपीओमध्ये २,२०,००,७६६ इक्विटी शेअर्सचा समावेश असेल.

एचडीबी फायनान्शियल सर्व्हिसेस

एचडीएफसी बँकेच्या मालकीच्या एचडीबी फायनान्शियल सर्व्हिसेस कंपनीचा आयपीओ २०२५ मध्ये बिगर बँकिंग वित्तीय कंपनीकडून जारी करण्यात येणारा सर्वात मोठा आयपीओ असेल. १२,५०० कोटी रुपयांची ही ऑफर फ्रेश इश्यू आणि ओएफएसचं मिश्रण असेल. सेबीकडे लवकरच कंपनी मसुदा सादर करेल.

हेही वाचा: सुझलॉन एनर्जीचा शेअर तुमच्याकडं असेल तर तुमच्यासाठी चांगली बातमी आहे! कंपनीला मिळालाय मोठा दिलासा

झेप्टो 

झोमॅटो लिमिटेड आणि स्विगी लिमिटेड या प्रतिस्पर्धी कंपन्यांनंतर क्विक कॉमर्स प्लॅटफॉर्म झेप्टोदेखील शेअर बाजारात पदार्पण करण्याच्या तयारीत आहे. बाजारात आपला ठसा उमटवण्यासाठी कंपनी १ अब्ज डॉलर्सपेक्षा जास्त रक्कम उभारण्याचं लक्ष्य ठेवून आहे. मात्र, अद्याप औपचारिक घोषणेची प्रतीक्षा आहे.

एनएसडीएल

सेबीनं भारतातील सर्वात मोठी डिपॉझिटरी नॅशनल सिक्युरिटीज डिपॉझिटरी लिमिटेडचा ३००० कोटी रुपयांचा आयपीओ लाँच करण्यास मंजुरी दिली आहे. हा इश्यू ५,७२,६०,००१ इक्विटी शेअर्सचा ओएफएस असेल. हा आयपीओ २०२५ मध्ये लाँच होण्याची शक्यता आहे.

आनंद राठी शेअर्स अँड स्टॉक ब्रोकर्स

आनंद राठी समूहाची ब्रोकरेज शाखा असलेल्या आनंद राठी शेअर्स अँड स्टॉक ब्रोकर्सनं डिसेंबरमध्ये आयपीओ बाजारात शेअर्सच्या नव्या इश्यूद्वारे ७४५ कोटी रुपये उभे करण्यासाठी डीआरएचपी दाखल केला होता. मात्र, अद्याप तारखा निश्चित करण्यात आलेल्या नाहीत. पुढील वर्षी हा आयपीओ लाँच होणार आहे.

विक्रम सोलर

फोटोव्होल्टिक मॉड्यूल विक्रम सोलर लिमिटेडनं प्राथमिक बाजारातून निधी गोळा करण्यासाठी कागदपत्रं दाखल केली आहेत. हा आयपीओ १,५०० कोटी रुपयांपर्यंतचा नवीन इश्यू आणि १७.४५ दशलक्ष इक्विटी शेअर्सचा ओएफएस यांचं मिश्रण आहे.

ब्लूस्टोन ज्वेलरी अँड लाइफस्टाइल 

ब्लूस्टोन ज्वेलरी आयपीओ २०२५ मध्ये लाँच होणार आहे. यामध्ये १००० कोटी रुपयांच्या शेअर्सचा नवा इश्यू आणि २.४ कोटी इक्विटी शेअर्सच्या विक्री ऑफरचा समावेश आहे. बेंगळुरूस्थित ही कंपनी आपल्या फ्लॅगशिप ब्रँड 'ब्लूस्टोन'अंतर्गत काम करते, जी समकालीन हिरे, सोने आणि प्लॅटिनमजडित दागिने प्रदान करते.

टाटा कॅपिटल

टाटा कॅपिटल ही कंपनी सप्टेंबर २०२५ पर्यंत शेअर बाजारात सूचीबद्ध होण्याच्या तयारीत आहे. टाटा मोटर फायनान्समध्ये सुरू असलेले विलीनीकरण पूर्ण झाल्यानंतर पुढील वर्षाच्या सुरुवातीला मसुदा कागदपत्रे दाखल करण्याची प्रक्रिया सुरू केली जाईल.

हिरो फिनकॉर्प

हिरो फिनकॉर्पचा ३३,६६८ कोटी रुपयांचा आयपीओ पुढील वर्षी लाँच होणार आहे. हीरो मोटोकॉर्पची फायनान्सिंग शाखा हीरो फिनकॉर्प या इश्यूमधून मिळणाऱ्या उत्पन्नातून आपले कर्ज कमी करण्याचा आणि आपला व्यवसाय वाढवण्याच्या विचारात आहे.

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)