IPO Listing News : शेवटचा दिस गोड झाला! युनिमेक एअरोस्पेस आयपीओची दणदणीत लिस्टिंग, गुंतवणूकदार मालामाल

युनिमॅक्स एरोस्पेस अँड मॅन्युफॅक्चरिंग लिमिटेडचा आयपीओ २३ डिसेंबर रोजी खुला झाला आणि २६ डिसेंबर रोजी बंद झाला. निविदेच्या शेवटच्या दिवसापर्यंत हा आयपीओ १७४.९३ पट सब्सक्राइब झाला होता. 

एनएसईच्या आकडेवारीनुसार, ५०० कोटी रुपयांच्या आयपीओमध्ये ४७,०४,०२८ शेअर्सची ऑफर होती. मात्र प्रत्यक्षात ८२,२८,९३,०४० शेअर्ससाठी सब्सस्क्रिप्शन आलं. पात्र संस्थात्मक खरेदीदारांचा (QIB) कोटा ३१७.६३ पट, तर बिगर संस्थात्मक गुंतवणूकदारांचा कोटा २६३.४० पट सब्सक्राइब झाला. किरकोळ वैयक्तिक गुंतवणूकदार (RII) श्रेणीत हा आयपीओ ५६.१६ पट सब्सक्राइब झाला.

हेही वाचा : शेअर बाजारात प्रचलित असलेल्या अप्पर सर्किट आणि लोअर सर्किट या संकल्पनांचा अर्थ काय?

या आयपीओमध्ये २५० कोटी रुपयांपर्यंतचा नवा इश्यू आणि २५० कोटी रुपयांपर्यंतच्या ऑफर फॉर सेल (OFS) चा समावेश होता. या आयपीओसाठी ७४५ ते ७८५ रुपये प्रति शेअर असा दरपट्टा निश्चित करण्यात आला होता. 

काय करते ही कंपनी?

युनिमेक एरोस्पेस ही कंपनी जागतिक दर्जाची अभियांत्रिकी सोल्यूशन्स कंपनी आहे. कंपनीनं एअरोस्पेस, डिफेन्स, सेमीकंडक्टर आणि एनर्जी क्षेत्रातील आघाडीच्या कंपन्यांसाठी स्वीकृत पुरवठादार म्हणून स्वतःला प्रस्थापित केलं आहे. कंपनीनं आपल्या उत्पादनांशी संबंधित सर्व ग्राहकांच्या विशिष्ट आणि बदलत्या गरजा जाणून घेऊन त्या पूर्ण करण्यासाठी सुविधा विकसित केल्या आहेत.

हेही वाचा: नव्या वर्षात येतायत ११ मोठ्या कंपन्यांचे आयपीओ; यादीत टाटा ग्रुपमधील कंपनीचंही नाव

आयपीओच्या निधीचं काय करणार?

आयपीओमधून मिळणाऱ्या उत्पन्नाचा वापर मशिनरी आणि उपकरणांच्या खरेदीद्वारे कंपनीच्या विस्तारासाठी व भांडवली खर्चासाठी करण्याची कंपनीची योजना आहे. कंपनीच्या कार्यशील भांडवलाची गरज भागविण्यासाठी यंत्रसामुग्री व उपकरणं खरेदी करणं, उपकंपनीच्या भांडवली खर्चाचा निधी, उपकंपनीच्या कार्यशील भांडवलाच्या गरजेचा निधी पुरविणे आणि भौतिक उपकंपनी व सर्वसाधारण कॉर्पोरेट हेतूनं काही कर्जांची पूर्ण किंवा अंशतः परतफेड/पूर्वपरतफेड करणं ही आयपीओची उद्दिष्टं आहेत.

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)