गुंतवणुकीची मोठी संधी! संरक्षण क्षेत्रातील 'या' ३ कंपन्यांच्या शेअर्सबद्दल दिग्गज ब्रोकरेज फर्म आशावादी

माझगाव डॉक शिपबिल्डर्सचा शेअर ४१९३.३५ रुपयांवर उघडला. काही काळानंतर बीएसईवर ६ टक्के उसळी घेतल्यानंतर कंपनीच्या शेअरचा भाव ४४४४ रुपयांच्या पातळीवर पोहोचला आहे. ईटी नाऊच्या रिपोर्टनुसार, ब्रोकरेज हाऊस जेपी मॉर्गननं न्यूट्रल रेटिंग दिलं आहे. कंपनीचा ५२ आठवड्यांतील उच्चांकी स्तर ५,८५९.९५ रुपये आहे. कंपनीचा ५२ आठवड्यांचा नीचांकी स्तर १७९७.१० रुपये आहे.

हेही वाचा: रेखा झुनझुनवाला यांनी दोन शेअर्समधून अवघ्या १० मिनिटांत कमावले १०५ कोटी, कोणते आहेत हे शेअर?

भारत इलेक्ट्रॉनिक्स लिमिटेडचा (BEL) समभाग सुमारे ३ टक्क्यांनी वधारला असून आज २९४.३० रुपयांच्या पातळीवर उघडला. दिवसभरातील कंपनीचा उच्चांक सुमारे तीन टक्क्यांनी वधारून ३०१ रुपयांवर पोहोचला. जेपी मॉर्गननं ३४० रुपयांचं टार्गेट प्राइस ठेवलं आहे. कंपनीचा ५२ आठवड्यांचा उच्चांक ३४०.३५ रुपये आहे आणि कंपनीचा ५२ आठवड्यांचा नीचांकी स्तर १४०.४५ रुपये आहे. गेल्या वर्षभरात या डिफेन्स स्टॉकच्या किमतीत १११ टक्क्यांहून अधिक वाढ झाली आहे.

एचएएलच्या शेअरमध्ये सुमारे ३ टक्क्यांची वाढ

हिंदुस्तान एरोनॉटिक्स लिमिटडेच्या शेअरच्या किमतीतही आज जवळपास ३ टक्क्यांची वाढ पाहायला मिळाली आहे. ब्रोकरेज हाऊसनं कंपनीसाठी ५१३५ रुपयांचे टार्गेट प्राइस निश्चित केलं आहे. गेल्या वर्षभरात कंपनीच्या शेअर्सच्या किमतीत ९४ टक्क्यांहून अधिक वाढ झाली आहे.

हेही वाचा : अवघ्या सहा दिवसांत पैसे दुप्पट झाले! शेअरची किंमत सहज परवडेल अशी, पाहा!

(डिस्क्लेमर: हे वृत्त केवळ माहितीपर आहे. यातील तज्ज्ञांची मतं आणि शिफारशी व्यक्तिगत आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)