Foldable Phone: भलामोठा डिस्प्ले आणि दमदार बॅटरी, ३५ हजारांपेक्षा कमी किंमतीत फोल्डेबल फोन लॉन्च!

टेक्नो फँटम व्ही २ सीरिजमध्ये दोन स्मार्टफोन मॉडेल्सचा समावेश आहे. फँटम व्ही फोल्ड २ ची किंमत ७९ हजार ९९९ रुपये आहे. तर, फँटम व्ही फ्लिप २ ची किंमत ३४ हजार ९९९ रुपये आहे. या किंमती मर्यादित काळासाठी आहेत.  नंतर त्यांच्या किंमती वाढू शकतात. दोन्ही मॉडेल्सची विक्री १३ डिसेंबरपासून सुरू होणार आहेत. ते अ‍ॅमेझॉनवरून खरेदी करता येतील. फँटम व्ही फ्लिप २ क्रस्ट ग्रीन आणि रिपलिंग ब्लू या दोन रंगांमध्ये खरेदी करता येईल. फँटम व्ही फ्लिप २ ट्रॅव्हर्टाइन ग्रीन आणि मूनडस्ट ग्रे या दोन रंगांमध्ये खरेदी करता येईल.

दोन्ही फोन अत्यंत दमदार आहेत. कंपनीचे म्हणणे आहे की, फँटम व्ही फोल्ड २ दीर्घकाळ टिकेल यासाठी डिझाइन करण्यात आला आहे. याच्या डिस्प्लेमध्ये कॉर्निंग गोरिल्ला ग्लास व्हिक्टस २ प्रोटेक्शन आणि एअरोस्पेस ग्रेड हिंज देण्यात आले आहेत. त्याचप्रमाणे, फँटम व्ही फ्लिप २ आपल्या दिवसातील प्रत्येक आव्हान हाताळण्यासाठी तयार केले गेले आहे. डिस्प्लेमध्ये एरोस्पेस ग्रेड हिंज आणि कॉर्निंग गोरिल्ला ग्लास ८ प्रोटेक्शन आहे. हे दिसायला खूप मजबूत आहे आणि प्रीमियम दिसते. कंपनीचे म्हणणे आहे की, दोन्ही मॉडेल्सची ४ लाख पेक्षा जास्त वेळा चाचणी घेण्यात आली आहे.

डिस्प्ले आणि स्टोरेज

• या सेगमेंटमधील सर्वात मोठा डिस्प्ले असलेल्या फँटम व्ही फोल्ड २ मध्ये ७.८५ इंचाचा मुख्य डिस्प्ले आणि ६.४२ इंचाचा कव्हर देण्यात आला आहे. एक लाख रुपयांपेक्षा कमी किमतीच्या फोल्डेबल फोनमधील हा सर्वात मोठा डिस्प्ले असल्याचा कंपनीचा दावा आहे. या फोनमध्ये लाईव्ह, इमर्सिव्ह व्हिज्युअल्स  मिळते. फँटम व्ही फोल्ड २ मध्ये २४ जीबीपर्यंत रॅम (एक्सटेंडेड रॅमसह १२ जीबी) आणि ५१२ जीबी स्टोरेज आहे. तर, फँटम व्ही फ्लिप २ त्यांच्यासाठी डिझाइन करण्यात आला आहे, स्टायलिश फ्लिप फोन आवडतो.
• फँटम व्ही फ्लिप २ मध्ये ६.९ इंचाचा मेन डिस्प्ले आणि ३.६४ इंचाचा कव्हर डिस्प्ले देण्यात आला आहे. फँटम व्ही फ्लिप २ मध्ये २५६ जीबी रॅमसह १६ जीबी स्टोरेज आहे. दोन्ही फोनमध्ये डॉल्बी अ‍ॅटमॉस स्पीकर्स देण्यात आले आहेत.

कॅमेरा

• फँटम व्ही फ्लिप 2 मध्ये ड्युअल रियर कॅमेरा सेटर आहे, ओआयएससह 50 मेगापिक्सलचा मुख्य कॅमेरा आणि 50 मेगापिक्सलचा अल्ट्रा-वाइड कॅमेरा आहे. सेल्फीसाठी फोनमध्ये ३२ मेगापिक्सलचा फ्रंट कॅमेरा देण्यात आला आहे. यात क्लासिक डीव्ही मोड, फ्री कॅमेरा स्टँड सारखे मोड आहेत.
• फँटम व्ही फोल्ड २ मध्ये ट्रिपल रियर कॅमेरा सेटअप आहे, ज्यात ओआयएससह ५० मेगापिक्सलचा मुख्य कॅमेरा, ५० मेगापिक्सलचा अल्ट्रा-वाइड कॅमेरा आणि २ एक्स ऑप्टिकल झूम/ २० एक्स डिजिटल झूमसह ५० मेगापिक्सलचा पोर्ट्रेट कॅमेरा आहे. सेल्फीसाठी यात दोन सेल्फी कॅमेरे असून दोन्ही ३२ मेगापिक्सलचे आहेत.

बॅटरी

• फँटम व्ही फोल्ड २ मध्ये ७० वॅट फास्ट चार्जिंग आणि १५ वॅट वायरलेस चार्जिंग सपोर्टसह 5750 एमएएच ची मोठी बॅटरी आहे, जी फोल्डेबल फोनमधील सर्वात मोठी बॅटरी असल्याचा कंपनीचा दावा आहे. यात कंपनीने एअरसेल बॅटरी तंत्रज्ञानाचा वापर केला आहे. फोल्ड केल्यावर त्याची जाडी ११.९८ मिमी असून उघडल्यावर त्याची जाडी ५.५ मिमी असल्याचे कंपनीचे म्हणणे आहे.
• फँटम व्ही फ्लिप २ मध्ये ४ हजार ७२० वॅट फास्ट चार्जिंग सपोर्टसह ७० एमएएच बॅटरी आहे.

अ‍ॅमेझॉनवर दिलेल्या माहितीनुसार, फोनमध्ये एआय इमेज रिमूव्हल, एआय इमेज कटआऊट, एआय रायटिंग, सर्कल टू सर्च आणि हॅन्डराइटिंग टू टेक्स्ट असे फीचर्स देण्यात आले आहेत.