Share tips : तुमच्या पोर्टफोलियोमध्ये ठेवा हे आयटी स्टाॅक ठेवा... मिळेल कमाईची संधी
Share tips : आयटी शेअर्समध्ये पुन्हा एकदा तेजी पाहायला मिळत आहे. सप्टेंबर २०२२ च्या अखेरीपासून, निफ्टी आयटी निर्देशांकात सुमारे १५ टक्के वाढ झाली आहे. शेअर तज्ज्ञांनीही शेअर्स खरेदीचा सल्ला दिला आहे.
Share tips : आयटी शेअर्समध्ये पुन्हा एकदा तेजी पाहायला मिळत आहे. सप्टेंबर २०२२ च्या अखेरीपासून, निफ्टी आयटी निर्देशांकात सुमारे १५ टक्के वाढ झाली आहे. चालू आर्थिक वर्षाच्या दुसऱ्या तिमाहीत आयटी कंपन्यांनी अपेक्षित महसूल मिळवला आहे. त्याचबरोबर मार्जिनमध्येही काही प्रमाणात सुधारणा झाली आहे. आर्थिक वर्षाच्या उत्तरार्धात मार्जिन ट्रॅजेक्टरीमध्येही काही प्रमाणात वाढ झाली आहे. तथापि, मंदीची भीती, वाढणारे व्याजदर आणि भू-राजकीय तणाव यासारख्या घटकांचा मुल्यांकनाची टांगती तलवार या क्षेत्रावर कायम आहे.
या क्षेत्राची मध्यम वाढ, गेल्या काही तिमाहीत नवीन नियुक्ती, टॅलेंट पूलचा विस्तार आणि स्टार्ट-अप्सची टाळेबंदी यामुळे नोकरी सोडणाऱ्यांच्या संख्येत सातत्याने घट होत आहे. ब्रोकरेजच्या मते, सेक्टरच्या इबीआयटी मार्जिनमध्ये दुसऱ्या सहामाहीत सुधारणा होईल.
या कंपन्या देतील अधिक परतावा, अशी करा गुंतवणूक
टाॅप पिक्स | शेअर रेटिंग्ज | टार्गेट्स (रुपये) |
टीसीएस | होल्ड | ३१०० |
इन्फोसिस | बाय | १६०० |
एचसीएल टेक | बाय | १०७० |
विप्रो | बाय | ४६० |
टेक महिंद्रा | बाय | १२०० |
एमफासिस | बाय | २६०० |
पर्सिस्टंट | बाय | ३९५० |
बिर्ला साॅफ्ट | बाय | ३७० |
एलटीआय | होल्ड | ४५०० |
महसुलावर दबाव
ब्रोकरेज हाऊस एमके ग्लोबलच्या म्हणण्यानुसार, आर्थिक वर्षाच्या डिसेंबर तिमाहीत कामाचे दिवस कमी झाल्यामुळे, अधिक सुट्ट्या आणि मॅक्रो अनिश्चिततेमुळे निर्णय घेण्यास होणारा विलंब यामुळे महसुलावर परिणाम होईल. जागतिक पातळीवरील अस्थिरतेमुळे कंपन्यांना मोठ्या आँर्डर्ससाठी वाट पहावी लागणार आहे. पण आगामी काळात आयटी स्टाॅक्स अधिक सक्षमपणे गुंतवणूकदारांना परतावा देतील, असा विश्वास गुंतवणूक तज्ज्ञांनी व्यक्त केला आहे.
(डिस्क्लेमर: ही माहिती केवळ कंपन्यांच्या शेअर मार्केटमधील कामगिरीवर आधारीत आहे. हा गुंतवणुकीचा सल्ला नाही. त्यामुळं वाचकांनी आपल्या वित्तीय सल्लागाराच्या सुचनेनुसारच गुंतवणुकीचा निर्णय घ्यावा.)
संबंधित बातम्या
विभाग