इलेक्ट्रिक वाहनांसाठी चार्जिंग स्टेशन उभारणार टाटाची कंपनी, असा आहे कराराचा तपशील

टाटा पॉवरने शेअर बाजाराला सांगितले की, सध्याच्या भागीदारीत छोट्या इलेक्ट्रिक व्यावसायिक वाहनांसाठी चार्जिंग सुविधांवर विशेष लक्ष दिले जाईल. या उपक्रमांतर्गत टाटा मोटर्स आणि टाटा पॉवर एकत्रितपणे टाटा मोटर्सच्या इलेक्ट्रिक व्यावसायिक वाहन धारकांना चार्जिंगसाठी विशेष दर देणार आहेत. यामुळे वाहनधारकांचा ऑपरेटिंग खर्च कमी होऊन त्यांना अधिक फायदा होणार आहे. चार्जिंग नेटवर्क वेगाने वाढविण्याची योजना सुरू असल्याने देशातील इलेक्ट्रिक व्यावसायिक वाहनांच्या वापरकर्त्यांना लवकरच मोक्याच्या ठिकाणी सुमारे १००० फास्ट चार्जरचा फायदा होणार आहे.

केंद्रीय मंत्रिमंडळाने बस, रुग्णवाहिका आणि ट्रकसह ईव्हीला प्रोत्साहन देणाऱ्या दोन महत्त्वाच्या प्रकल्पांना मंजुरी दिली आहे. या दोन योजना म्हणजे पीएम इलेक्ट्रिक ड्राइव्ह क्रांती इन इनोव्हेटिव्ह व्हेइकल एन्हान्समेंट (पीएम ई-ड्राइव्ह) योजना आणि 3,435 कोटी रुपयांच्या बजेटची पीएम-ई-बस सर्व्हिस-पेमेंट सिक्युरिटी मेकॅनिझम (पीएसएम) योजना.