Swiggy: अवघ्या १५ मिनिटांत स्विगी तुमच्या घरी पोहोचवणार जेवण; कंपनीच्या नव्या अ‍ॅपबाबत तुम्हाला माहिती आहे का?

यापूर्वी स्विगीने इंस्टंट डिलिव्हरी करणारे बोल्ट अ‍ॅप लॉन्च केले होते आणि आता नवीन अ‍ॅप या सेवेचा विस्तार करणार आहे. एसएनएसीसी अ‍ॅप सध्या केवळ बेंगळुरूच्या काही भागांमध्ये सुरू आहे आणि स्विगी लवकरच इतर भागात ही सेवा सुरू करणार आहे. नुकतेच झोमॅटोनेही १५ मिनिटांत फूड डिलिव्हरी सुरू केली आहे.

एसएनएसीसी अ‍ॅप बोल्टपेक्षा कसे वेगळे आहे?

स्विगीचे एसएनएसीसी अ‍ॅप डिसेंबरच्या मध्यात सुरू करण्यात आले होते आणि एका महिन्यापेक्षा कमी कालावधीत ७ जानेवारी रोजी ते लाइव्ह झाले. स्विगी बोल्टने दोन किलोमीटरच्या परिघात असलेल्या लोकप्रिय रेस्टॉरंट्समधून १५ मिनिटांची डिलिव्हरी देण्याचे आश्वासन दिले आहे. बोल्ट हे स्विगी प्लॅटफॉर्मवरील फीचर आहे. तर, एसएनएसीसी आता एक नवीन अ‍ॅप आहे.

देशातील लोकप्रिय फूड डिलिव्हरी प्लॅटफॉर्म

ऑनलाईन फूड डिलिव्हरी प्लॅटफॉर्म स्विगीवरून ऑर्डर मागवताना बऱ्याच सवलती मिळतात. त्यामुळे ग्राहकांना कमी पैशात चांगल्या पदार्थांची चव चाखता येते. त्यामुळे स्विगी हे लोकप्रिय अ‍ॅप आहे. एका रिपोर्टनुसार स्विगीला दिवसाला १.५ ते २ मिलियन हून अधिक ऑर्डर मिळतात. स्विगी हे भारतातील सर्वात मोठे ऑनलाइन फूड ऑर्डरिंग आणि डिलिव्हरी प्लॅटफॉर्म आहे, ज्याची स्थापना २०१४ मध्ये झाली आहे. स्विगीचे मुख्यालय बंगलोर येथे आहे.