स्विगीच्या आयपीओची प्रतीक्षा संपली! किती दिवस लाँच होणार, जाणून घ्या सविस्तर
स्विगीने आयपीओ लाँच करण्यासाठी गुप्तपणे मसुदा दाखल केला होता. आता सेबीच्या मंजुरीनंतर आयपीओ लाँच करण्याचा मार्ग मोकळा झाला आहे. शेअर बाजारात कंपनीची स्पर्धा झोमॅटोकडून होणार आहे.
जर तुम्ही फूड डिलिव्हरी कंपनी स्विगीच्या आयपीओची वाट पाहत असाल तर ही बातमी तुमच्यासाठी आहे. खरं तर स्विगीच्या आयपीओला सेबीची मंजुरी मिळाली आहे. प्रोसस आणि सॉफ्टबँक समर्थित स्विगीने आयपीओ लाँच करण्यासाठी गुप्तपणे मसुदा दाखल केला होता. आता सेबीच्या मंजुरीनंतर आयपीओ लाँच करण्याचा मार्ग मोकळा झाला आहे. शेअर बाजारात कंपनीची स्पर्धा झोमॅटोकडून होणार आहे.
गोपनीय फाइलिंग मार्गाअंतर्गत या मंजुरीनंतर दोन अद्ययावत डीआरएचपी (ड्राफ्ट रेड हेरिंग प्रॉस्पेक्टस) दाखल केले जातील, एक सेबीच्या निरीक्षणांना प्रतिसाद देईल आणि दुसरा २१ दिवसांसाठी लोकांचे अभिप्राय मागवेल. त्यानंतरच आरएचपी (रेड हेरिंग प्रॉस्पेक्टस) दाखल होईल. आणखी एका सूत्राने सांगितले की, आयपीओ लाँच करण्याबाबत कोणताही अंतिम निर्णय घेण्यात आलेला नाही परंतु हा इश्यू नोव्हेंबरमध्ये लाँच केला जाऊ शकतो. त्याचबरोबर अँकर गुंतवणूकदारांशी आता चर्चा सुरू होणार आहे.
सेबीने नोव्हेंबर 2022 मध्ये गोपनीय फाइलिंगची संकल्पना आणली होती. डायरेक्ट टू होम प्लॅटफॉर्म टाटा प्ले (पूर्वीची टाटा स्काय) ही आयपीओसाठी सेबीकडे गोपनीय कागदपत्रे दाखल करणारी पहिली कंपनी होती. मात्र, कंपनीने आपले लिस्टिंग प्लॅन रद्द केले होते.
स्विगीचे गुंतवणूकदार
प्रोसस (३२ टक्के), सॉफ्टबँक (८ टक्के), एक्सेल (६ टक्के) हे स्विगीतील प्रमुख गुंतवणूकदार आहेत. एलिव्हेशन कॅपिटल, डीएसटी ग्लोबल, नॉर्वेस्ट, टेनसेंट, कतार इन्व्हेस्टमेंट अथॉरिटी (क्यूआयए), सिंगापूरची जीआयसी हे कंपनीचे भागधारक आहेत.
