share market : तिमाही निकालाच्या आधीच उसळला सुझलॉनचा शेअर, तज्ज्ञांना नफ्याची अपेक्षा

बीएसईवर सुझलॉन एनर्जीचा शेअर ६७.८९ रुपयांवर खुला झाला. दिवसभरात कंपनीचा शेअर ७.७५ टक्क्यांनी वधारून ७२.६६ रुपयांवर पोहोचला. तज्ज्ञांना सुझलॉन एनर्जीचे वार्षिक आधारावर मजबूत तिमाही निकाल अपेक्षित आहेत.

मागील वर्षी काय होती परिस्थिती?

गेल्या वर्षी याच तिमाहीत कंपनीला ३०२ कोटी रुपयांचा निव्वळ नफा झाला होता. वार्षिक आधारावर हा नफा २०० टक्के अधिक होता. गेल्या वर्षी पहिल्या तिमाहीत सुझलॉन एनर्जीला १०१ कोटी रुपयांचा नफा झाला होता. एप्रिल ते जून या कालावधीत कंपनीचा ऑपरेटिंग रेव्हेन्यू २,०१६ कोटी रुपये होता. तर गेल्या आर्थिक वर्षाच्या पहिल्या तिमाहीत तो १३४८ कोटी रुपये होता.

हेही वाचा: बंधन बँकेच्या शेअरमधील तेजीने बाजार उजळला! नफ्यातील वाढीबरोबर शेअर १० टक्क्यांनी उसळला

शेअरची वाटचाल सकारात्मक

गेल्या वर्षभरात सुझलॉन एनर्जीच्या शेअरमध्ये ७० टक्क्यांहून अधिक वाढ झाली आहे. तर, ज्या गुंतवणूकदारांनी एक वर्ष हा शेअर ठेवला आहे, त्यांना १२४ टक्के परतावा मिळाला आहे. मागच्या महिनाभरात मात्र हा शेअर काहीसा घसरला आहे. त्यात ११ टक्के घसरण झाली आहे. सुझलॉन एनर्जीचा ५२ आठवड्यांची उच्चांकी पातळी ८६.०४ रुपये आहे तर, ५२ आठवड्यांची नीचांकी पातळी ३०.११ रुपये आहे. कंपनीचे मार्केट कॅप ९६७९२.७३ कोटी रुपये आहे.

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं गुंतवणूक करण्याआधी आर्थिक सल्लागाराशी चर्चा करा.)