सुरक्षा डायग्नोस्टिक लिमिटेडचा आयपीओ लिस्ट झाला! आधी धक्का दिला, मग सावरून घेतलं!

हा आयपीओ २९ नोव्हेंबर ते ३ डिसेंबर या कालावधीत गुंतवणुकीसाठी खुला होता. हा अंक १.२७ पट सब्सक्राइब झाला. एनएसईवर उपलब्ध आकडेवारीनुसार, ८४६ कोटी रुपयांच्या प्रारंभिक समभाग विक्रीपैकी १,३४,३२,५३३ शेअर्सच्या तुलनेत १,७०,०८,५३४ शेअर्सलाठी बोली प्राप्त झाली. हा शेअर क्वालिफाइड इन्स्टिट्यूशनल बायर्स (QIB) श्रेणीत १.७४ पट, तर नॉन इन्स्टिट्यूशनल इन्व्हेस्टर्स कॅटेगरीत १.४० पट सब्सक्राइब करण्यात आला. किरकोळ वैयक्तिक गुंतवणूकदारांनी (RII) ९४ टक्के सब्सक्राइब केला. 

हेही वाचा: ड्रोन बनविणाऱ्या कंपनीची अमेरिकन कंपनीशी मोठी डील, शेअर घेण्यासाठी लागली रीघ

इंटिग्रेटेड डायग्नोस्टिक चेन सुरक्षा डायग्नोस्टिक लिमिटेडनं अँकर गुंतवणूकदारांकडून २५४ कोटी रुपये उभे केले होते. आयपीओसाठी प्राइस बँड ४२० ते ४४१ रुपये प्रति शेअर निश्चित करण्यात आला होता. ४४१ रुपयांच्या आयपीओ किंमतीच्या तुलनेत हा शेअर ०.६८ टक्क्यांनी घसरून लिस्ट झाला. मात्र, लिस्टिंगनंतर हा शेअर २.५ टक्क्यांनी वधारून ४४९ रुपयांवर पोहोचला.

कंपनी आर्थिक वर्ष २०२३ पर्यंत ऑपरेटिंग रेव्हेन्यूद्वारे पूर्व भारतात मुख्यालय असलेली सर्वात मोठी पूर्ण-सेवा आणि एकात्मिक डायग्नॉस्टिक चेन आहे. हे व्यापक ऑपरेशनल नेटवर्कद्वारे वैद्यकीय सल्ला सेवांसह पॅथॉलॉजी आणि रेडिओलॉजी चाचणीसाठी वन-स्टॉप इंटिग्रेटेड सोल्यूशन्स प्रदान करते.

हेही वाचा: १२ रुपयांत मिळणारा शेअर घेण्यासाठी उडालीय झुंबड, असं आहे काय त्यात?

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)