Last day invest in IPO : ‘सुला वाईनयार्ड’ कंपनीच्या IPO मध्ये गुंतवणूकीची आज शेवटची संधी

Sula Wine IPO : वाईन उत्पादनात अग्रेसर असलेल्या नाशिकमधील सुला वाईन कंपनीच्या आयपीओमध्ये गुंतवणूक करण्याची आजची शेवटची संधी आहे. कंपनीचा आयपीओ ग्रे मार्केटमध्ये मंगळवारी दुसऱ्या दिवशी ५९ टक्के सबस्क्राईब्ड झाला होता. एनएसईच्या आकडेवारीनुसार, कंपनीच्या आयपीओअंतर्गत १,८८,३०,३७२ शेअर्सवर अंदाजे १,१०,९९,२५६ शेअर्सची बोली मिळाली आहे.

ग्रे मार्केटमधील आयपीओची स्थिती

टाॅप शेअर ब्रोकर्सच्या अहवालानुसार, कंपनीचा आयपीओ ग्रे मार्केटमध्ये मंगळवारी संध्याकाळी २ रुपये प्रिमियमवर उपलब्ध होता. हा ट्रेड कंपनीसाठी चांगला नाही.कारण तो असाच कायम राहिला तर कंपनीची लिस्टिंग फ्लॅट होऊ शकते.

रिटेल इंडिव्युज्युअल इंन्व्हेस्टरच्या कॅटेगरीमध्ये ९९ टक्के आणि नाॅन रिटेल इंडिव्युजल्स इंव्हेस्टर्सच्या कॅटेगरीमध्ये ४५ टक्के सबस्क्रिप्शन मिळाले आहे. एकूण २,६९,००,५३० इक्विटी शेअर्सच्या आयपीओसाठी प्राईस बॅड ३४० ते ३५७ रुपये प्रती शेअर्सदरम्यान निश्चित करण्यात आले आहे. सुला वाईनयार्डने शुक्रवारी अँकर गुंतवणूकदारांकडून २८८ कोटी रुपये जमवले आहे.

सुला वाईनयार्डच्या आयपीओची लिस्टिंग २२ डिसेंबरला होणार आहे. एक रिटेल इन्व्हेस्टर्स कमीतकमी १ आणि जास्तीत जास्त १३ लाॅट्सवर बोली लावू शकतात.एका लाॅटमध्ये ४२ शेअर्स ठेवण्यात आले आहे.