Stocks To Buy : शेअर बाजार पुन्हा उसळी मारणार? गुंतवणुकीआधी पाहा एक्सपर्ट्स काय म्हणतात?

गुरुवारी पुन्हा एकदा शेअर बाजारात घसरण पाहायला मिळाली. निफ्टी फिफ्टी निर्देशांक ०.६९ टक्क्यांच्या वाढीसह २३५२६.५० अंकांवर बंद झाला. तर सेन्सेक्स ०.६८ टक्क्यांच्या घसरणीसह ७७६२०.२१ अंकांवर बंद झाला. बँक निफ्टी घसरणीनंतर ४९,५०३.५० वर बंद झाला. रिअल्टी, एनर्जी आणि आयटी अशा जवळपास सर्वच क्षेत्रात घसरण झाली.

काय म्हणतात तज्ज्ञ?

कोटक सिक्युरिटीजचे इक्विटी रिसर्च हेड श्रीकांत चौहान यांनी बाजाराच्या मूडवर भाष्य केलं आहे. 'सध्याचा बाजार कमकुवत आहे, पण आतापर्यंत बरीचशी विक्री झाली आहे. त्यामुळं पुन्हा एकदा मार्केट सकारात्मक उसळी घेईल अशी आशा आहे. २३६५० अंकांचा आकडा निफ्टीसाठी अत्यंत महत्त्वाचा ठरणार आहे. यापलीकडं घसरण झाल्यास निफ्टी २३४००-२३३७५ पर्यंत खाली येऊ शकतो. पण निफ्टी २३६५० अंकांपेक्षा जास्त वधारला तर तो २३७५० ते २३८०० पर्यंत पोहोचू शकतो.

हेही वाचा: भारतातील सर्वात मोठ्या आयटी कंपनीचा धमाका; तिमाही निकाल येताच केली 'डबल' डिविडंडची घोषणा

असित सी मेहता इन्व्हेस्टमेंटचे हरिकेश म्हणतात की, जर बँक निफ्टी ५०,७४० च्या खाली राहिला तर गुंतवणूकदारांनी कोणत्याही बाऊन्स बॅकमध्ये नफा बुक करणं हिताचं राहील. 

आज कोणते शेअर्स खरेदी करू शकतात?

मार्केट एक्स्पर्ट सुमित बागरिया म्हणतात की, विजया डायग्नोस्टिक सेंटर लिमिटेड १२२१.३० रुपयांना विकत घेतल्यास बरे होईल. स्टॉप लॉस ११७७ रुपये असून टार्गेट प्राइस १३१३ रुपये प्रति शेअर आहे. चार्ट पॅटर्नवर हा शेअर सकारात्मक दिसत आहे.

शेली इंजिनीअरिंग प्लॅस्टिक लिमिटेडच्या शेअरमध्ये देखील गुंतवणूक करण्याचा सल्ला त्यांनी दिला आहे. त्यांनी या शेअरसाठी १७७७ रुपये टार्गेट प्राइस १५६५ रुपये स्टॉप लॉस दिला आहे. हा शेअर १६३०.७० रुपयांना खरेदी करता येईल.

हेही वाचा: दुप्पट, तिप्पट नाही, ५ वर्षांत पैसे सहापट केले! आता कंपनीनं केली बोनस शेअर्सची घोषणा, शेअर सुस्साट

(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)