stock market holiday : मतदानाच्या दिवशी शेअर बाजार सुरू राहणार की बंद? वाचा!

कमॉडिटी डेरिव्हेटिव्ह सेगमेंट आणि इलेक्ट्रॉनिक गोल्ड रिसिप्ट (ईजीआर) सेगमेंटमधील व्यवहार सकाळी ९ ते सायंकाळी ५ वाजेपर्यंत बंद राहतील. सायंकाळी ५ नंतर ते पुन्हा सुरू होईल. मल्टी कमोडिटी एक्स्चेंज आणि नॅशनल कमोडिटी एक्स्चेंज सकाळी 9 ते संध्याकाळी ५ वाजेपर्यंत बंद राहतील.

नोव्हेंबर महिन्यात शेअर बाजार ३ दिवस बंद राहणार आहे. त्यापैकी १ नोव्हेंबर रोजी दिवाळीच्या सुट्टीनिमित्त बाजार बंद होता. त्यानंतर आज १५ नोव्हेंबर २०२४ गुरु नानक जयंती निमित्त मार्केट बंद आहे. तर, २० नोव्हेंबर २०२४ रोजी महाराष्ट्र विधानसभा निवडणुकीचं मतदान असल्यामुळं शेअर बाजार बंद राहणार आहे. शेअर बाजारात शनिवार आणि रविवारी सुट्टी असते. गुरु नानक जयंतीनंतर महाराष्ट्र विधानसभा निवडणूक आणि ख्रिसमसमुळे सुट्टी असेल. 

घसरणीचा कल कायम

स्थानिक शेअर बाजारातील घसरणीचा कल गुरुवारीही कायम राहिला आणि अस्थिर व्यवहारात बीएसई सेन्सेक्स १११ अंकांनी घसरला. परदेशी संस्थात्मक गुंतवणूकदारांची सततची विक्री, कंपन्यांचे तिमाही निकाल अपेक्षेप्रमाणे न येणे आणि वाढती महागाई यामुळे बाजारात घसरण झाली. बीएसईचा ३० शेअर्सचा निर्देशांक सलग तिसऱ्या सत्रात घसरून ११०.६४ अंकांनी घसरून ७७५८०.३१ वर बंद झाला. दिवसभरात तो २६६.१४ च्या नीचांकी पातळीवर घसरला.

राष्ट्रीय शेअर बाजाराचा निफ्टी २६.३५ अंकांनी घसरून २३,५३२.७० अंकांवर बंद झाला. निफ्टीत सलग सहाव्या दिवशी घसरण झाली. सेन्सेक्समध्ये हिंदुस्थान युनिलिव्हर, एनटीपीसी, नेस्ले, इंडसइंड बँक, पॉवर ग्रिड, अदानी पोर्ट्स, टाटा मोटर्स आणि बजाज फिनसर्व्ह यांचे समभाग घसरले. रिलायन्स इंडस्ट्रीज, कोटक महिंद्रा बँक, टेक महिंद्रा, महिंद्रा अँड महिंद्रा आणि एचडीएफसी बँक यांचे समभाग तेजीत होते.