शेअर बाजारानं उच्चांक गाठला, पण हा शेअर कोसळला! नेमकं कारण काय?

वीर ग्लोबल इन्फ्रास्ट्रक्चरच्या शेअरहोल्डिंग पॅटर्नबद्दल बोलायचे झाले तर प्रवर्तकांकडे कंपनीचे ७२.४१ टक्के शेअर्स आहेत. तर, पब्लिक शेअरहोल्डिंग २७.५९ टक्के आहे. कंपनीत प्रवर्तक विजयभाई भन्साळी यांची १९.७३ टक्के हिस्सेदारी आहे. तर विनोद आणि पारस मोहनलाल जैन यांचेही कंपनीत १० टक्क्यांहून अधिक शेअर्स आहेत.

अलीकडेच वीर ग्लोबल इन्फ्रास्ट्रक्चरने शेअर बाजाराला सांगितले की, कंपनीच्या संचालक मंडळाची बैठक २६ सप्टेंबर २०२४ रोजी होणार आहे. यापूर्वी कंपनी व्यवस्थापनाकडून मोठा राजीनामा देण्यात आला आहे. हा राजीनामा कंपनी सचिव आणि अनुपालन अधिकारी पायल कोठारी यांचा आहे.

शुक्रवारी शेअर बाजाराने पुन्हा एकदा इतिहास रचला. या दिवशी सेन्सेक्स प्रथमच ऐतिहासिक ८४ हजारांचा टप्पा ओलांडून बंद झाला, तर निफ्टीनेही नवा विक्रमी स्तर गाठला. 30 शेअर्सचा निर्देशांक 1,359.51 अंकांनी म्हणजेच 1.63 टक्क्यांनी वधारून 84,544.31 अंकांवर बंद झाला. दिवसभरात तो 1,509.66 अंकांनी वधारून 84,694.46 अंकांवर पोहोचला.

राष्ट्रीय शेअर बाजाराचा निर्देशांक निफ्टी 375.15 अंकांनी वधारून 25,790.95 च्या विक्रमी पातळीवर बंद झाला. दिवसभरात तो 433.45 अंकांनी वधारून 25,849.25 अंकांवर पोहोचला.