Samsung Galaxy: थेट २५ हजार रुपयांनी स्वस्त मिळतोय सॅमसंगचा २०० मेगापिक्सल कॅमेरा असलेला स्मार्टफोन!
Samsung Galaxy S24 Ultra 5G: अॅमेझॉनवर सॅमसंग गॅलेक्सी एस२४ अल्ट्रा 5G स्मार्टफोन २५ हजारांनी स्वस्त मिळत आहे. या फोनमध्ये २०० मेगापिक्ललचा कॅमेरा देण्यात आला आहे.
फोटोग्राफीचा छंद पूर्ण करण्यासाठी दमदार कॅमेरा असलेला फोन शोधत असाल तर २०० मेगापिक्सेल कॅमेरा असलेला सॅमसंग गॅलेक्सी एस २४ अल्ट्रा 5G तुमच्यासाठी परफेक्ट पर्याय ठरू शकतो. ई-कॉमर्स प्लॅटफॉर्मवर या फोनला त्याच्या लॉन्च किंमतीपेक्षा अगदी स्वस्त मिळत आहेत. या फोनवर २५ हजार रुपयांचा फ्लॅट डिस्काउंट मिळत आहे. इतकेच नाही तर एक्स्चेंज बोनसचा फायदा घेऊन त्याची किंमत आणखी कमी करता येऊ शकते.
सॅमसंग गॅलेक्सी एस २४ अल्ट्रा 5G च्या १२ जीबी रॅम आणि २५६ जीबी स्टोरेज व्हेरिएंटची किंमत सॅमसंगच्या अधिकृत साइटवर १ लाख २१ हजार ९९९ रुपये आहे. हा फोन टायटॅनियम ब्लॅक, टायटॅनियम ग्रे, टायटॅनियम ऑरेंज, टायटॅनियम यलो, टायटॅनियम ब्लू, टायटॅनियम ग्रीन आणि टायटॅनियम व्हायलेट कलर ऑप्शनमध्ये खरेदी करता येईल.
पण सॅमसंग गॅलेक्सी एस २४ अल्ट्राचा टायटॅनियम ग्रे कार व्हेरिएंट अॅमेझॉनवर केवळ ९७,००० रुपयांना उपलब्ध आहे. ही किंमत १२ जीबी रॅम आणि २५६ जीबी स्टोरेज व्हेरियंटची आहे. म्हणजेच ई-कॉमर्स प्लॅटफॉर्मवर हा फोन त्याच्या मूळ किमतीपेक्षा २४ हजार ९९९ रुपये स्वस्त मिळत आहे. म्हणजेच कोणत्याही बँक ऑफरशिवाय हा फोन थेट २५ हजार रुपयांपेक्षा कमी किंमतीत खरेदी करू शकाल.
जर तुमच्याकडे एक्स्चेंज करण्यासाठी जुना फोन असेल तर तुम्ही ४८ हजार १०० रुपयांपर्यंत एक्सचेंज बोनसचा ही लाभ घेऊ शकता. जर तुम्हाला पूर्ण एक्स्चेंज बोनसचा फायदा मिळाला तर फोनची प्रभावी किंमत ४८ हजार ९०० रुपये असेल. परंतु, लक्षात ठेवा की, एक्स्चेंज बोनसची रक्कम आपल्या जुन्या फोनची स्थिती, मॉडेल आणि ब्रँडवर अवलंबून असेल. जर तुमच्याकडे एक्स्चेंज करण्यासाठी जुना फोन नसेल तर २५ हजार रुपयांचा फ्लॅट डिस्काउंटदेखील वाईट नाही.
फोनमध्ये १२० हर्ट्झ रिफ्रेश रेट, २६०० निट्स पीक ब्राइटनेससह ६.८ इंचाचा क्यूएचडी + डायनॅमिक एमोलेड २ एक्स डिस्प्ले आहे. उन्हात अधिक चांगल्या दृश्यमानतेसाठी डिस्प्लेमध्ये व्हिजन बूस्टरचा सपोर्ट देण्यात आला आहे. डिस्प्ले कॉर्निंग गोरिल्ला आर्मर प्रोटेक्शनने सुसज्ज आहे. हा फोन स्नॅपड्रॅगन ८ जेन ३ चिपसेटसह सुसज्ज आहे. हा फोन गॅलेक्सी एआय फीचर्सलाही सपोर्ट करतो.
फोटोग्राफीसाठी फोनमध्ये क्वाड रियर कॅमेरा सेटअप देण्यात आला आहे, ज्यात ओआयएससह २०० मेगापिक्सलचा वाइड रिअर कॅमेरा, १२ मेगापिक्सलचा अल्ट्रा-वाइड कॅमेरा, ओआयएससह ५० मेगापिक्सलचा टेलिफोटो कॅमेरा आणि ओआयएससह १० मेगापिक्सलचा चौथा कॅमेरा देण्यात आला आहे. सेल्फीसाठी फोनमध्ये १२ मेगापिक्सलचा कॅमेरा देण्यात आला आहे. फोनमध्ये ४५ वॉट वायर्ड आणि १५ वॅट वायरलेस चार्जिंगसह ५००० एमएएचची बॅटरी देण्यात आली आहे.
संबंधित बातम्या