SBI Recruitment : मॅनेजरपासून लिपिकापर्यंत… स्टेट बँकेत ११०० पदांसाठी भरती, खेळाडूंनाही संधी! कसा कराल अर्ज? पाहा!
SBI Recruitment news : स्टेट बँक ऑफ इंडियामध्ये ११०० पदांसाठी भरती निघाली आहे. पात्र उमेदवार sbi.co.in इथं ऑनलाइन अर्ज करू शकतात.
SBI recruitment news : देशातील सर्वात मोठी सरकारी बँक असलेल्या स्टेट बँकेत ११०० हून अधिक पदांसाठी भरती होणार आहे. मॅनेजर, ऑफिसर, क्लार्क, इकॉनॉमिस्ट, बँकिंग अॅडव्हायझर आणि इतर पदांसाठी अर्ज मागवण्यात येत आहेत. पात्र उमेदवार बँकेच्या sbi.co.in या अधिकृत वेबसाइटवरून ऑनलाइन अर्ज करू शकतात.
स्पेशालिस्ट कॅडर ऑफिसर (इकॉनॉमिस्ट अँड डिफेन्स बँकिंग अॅडव्हायझर) पदासाठी १७ जुलै पासून नोंदणी सुरू झाली असून स्पेशालिस्ट कॅडर ऑफिसर (व्हीपी वेल्थ, मॅनेजर आणि इतर पदे) पदासाठी १९ जुलै २०२४ पासून नोंदणी सुरू झाली आहे. इकॉनॉमिस्ट आणि डिफेन्स बँकिंग अॅडव्हायझर पदांसाठी अर्ज करण्याची शेवटची तारीख ६ ऑगस्ट आहे आणि व्हीपी वेल्थ, मॅनेजर आणि इतर पदांसाठी अर्ज करण्याची शेवटची तारीख ८ ऑगस्ट २०२४ आहे.
स्टेट बँक ऑफ इंडियामध्ये क्रीडा कोट्यातून अधिकारी/लिपिक संवर्गातील भरतीसाठी २४ जुलैपासून नोंदणी प्रक्रिया सुरू झाली आहे. यासाठी अर्ज करण्याची प्रक्रिया १४ ऑगस्ट २०२४ रोजी संपणार आहे.
रिक्त पदांचा तपशील, निवड प्रक्रिया, अर्ज शुल्क आणि इतर तपशील पुढीलप्रमाणे…
पदे
- व्हीपी वेल्थ : ६४३ जागा
- रिलेशनशिप मॅनेजर : २७३ पदे
- लिपिक (खेळाडू): ५१ पदे
- इन्व्हेस्टमेंट ऑफिसर : ३९ पदे
- रिलेशनशिप मॅनेजर - टीम लीड : ३२ पदे
- इन्व्हेस्टमेंट स्पेशालिस्ट : ३० पदे
- ऑफिसर (खेळाडू): १७ पदे
- प्रादेशिक प्रमुख: ६ पदे
- सेंट्रल रिसर्च टीम (प्रोडक्ट लीड): २ पदे
- सेंट्रल रिसर्च टीम (सपोर्ट): २ पदे प्रोजेक्ट
- डेव्हलपमेंट मॅनेजर (बिझनेस): २ जागा
- इकॉनॉमिस्ट : २ जागा
- डिफेन्स बँकिंग अॅडव्हायझर – आर्मी : १ पद
- प्रोजेक्ट डेव्हलपमेंट मॅनेजर (टेक्नॉलॉजी) : १ पद
पात्रता निकष
- व्हीपी वेल्थ, मॅनेजर आणि इतर पदे : खाली दिलेल्या अधिकृत नोटिफिकेशनवर पदनिहाय संपूर्ण पात्रता निकष तपासता येतील.
- अधिकारी (खेळाडू) : गेल्या तीन वर्षांत आंतरराष्ट्रीय क्रीडा स्पर्धेत देशाचं प्रतिनिधित्व केलेलं असावं.
- लिपिक (खेळाडू) : राष्ट्रीय स्पर्धेत राज्याचे किंवा राज्यस्तरीय स्पर्धेत जिल्ह्याचे किंवा आंतरविद्यापीठ स्पर्धेत विद्यापीठाचं प्रतिनिधित्व केलेलं असावं किंवा संयुक्त विद्यापीठ संघाचा सदस्य असावा.
- अर्थतज्ज्ञ : मान्यताप्राप्त विद्यापीठ/ संस्थेतून किमान ६० टक्के गुणांसह अर्थशास्त्र/ अर्थमिती/ सांख्यिकी/ उपयोजित सांख्यिकी/ गणितीय सांख्यिकी/ गणितीय अर्थशास्त्र/ वित्तीय अर्थशास्त्र या विषयात पदव्युत्तर पदवी किंवा समकक्ष श्रेणी.
- संरक्षण बँकिंग सल्लागार - लष्कर: अधिकृत अधिसूचनेत निर्दिष्ट केलेलं नाही.
निवड प्रक्रिया
खेळाडू भरतीसाठी निवड प्रक्रिया शॉर्टलिस्टिंग आणि मूल्यांकन चाचणीवर आधारित असेल. निवडीसाठी तीन निकष वापरले जातील. यात मान्यताप्राप्त क्रीडा कामगिरीचं मूल्यांकन, सामान्य बुद्धिमत्ता / खेळ / व्यक्तिमत्व ज्ञान आणि सक्रियता आणि शारीरिक तंदुरुस्ती यांचा समावेश आहे.
अर्थतज्ज्ञ आणि संरक्षण बँकिंग सल्लागारांची निवड मुलाखतीच्या आधारे केली जाईल. मुलाखत किंवा संवाद १०० गुणांचा असेल. मुलाखतीमध्ये बँक पात्रता गुण निश्चित करेल.
व्हीपी वेल्थ, मॅनेजर आणि इतर पदांसाठी निवड प्रक्रियेत शॉर्टलिस्टिंग आणि इंटरव्ह्यू-कम-सीटीसी वाटाघाटींचा समावेश आहे.
अर्ज शुल्क
सर्वसाधारण/ईडब्ल्यूएस/ओबीसी उमेदवारांसाठी वर नमूद केलेल्या सर्व पदांसाठी अर्ज शुल्क व सूचना शुल्क ७५०/- रुपये आहे.
एससी/ एसटी/ पीडब्ल्यूबीडी उमेदवारांना शुल्क भरण्यापासून सूट देण्यात आली आहे.
डेबिट कार्ड/ क्रेडिट कार्ड/ इंटरनेट बँकिंग इत्यादींचा वापर करून स्क्रीनवर विचारल्याप्रमाणे माहिती देऊन पेमेंट करता येते.
अधिक माहितीसाठी उमेदवार एसबीआयची अधिकृत वेबसाइट पाहू शकतात.