आयुर्वेदिक औषधं बनवणाऱ्या कंपनीचा आयपीओ आजपासून खुला, जीएमपी पाहून चकीत व्हाल!

सात करतार शॉपिंग आयपीओसाठी ७७ ते ८१ रुपये प्रति शेअर असा दरपट्टा निश्चित करण्यात आला आहे. कंपनीनं एकूण १६०० शेअर्सचा लॉट केला आहे. त्यामुळं गुंतवणूकदारांना किमान १ लाख २९ हजार ६०० लाख रुपयांची गुंतवणूक करावी लागणार आहे. या आयपीओची लिस्टिंग १७ जानेवारीला प्रस्तावित आहे. ही कंपनी एनएसई एसएमईवर लिस्ट होणार आहे.

कोणासाठी किती कोटा?

आयपीओचा ५० टक्के भाग पात्र संस्थात्मक खरेदीदारांसाठी राखीव ठेवण्यात आला आहे. तर किरकोळ गुंतवणूकदारांसाठी किमान ३५ टक्के शेअर राखीव ठेवण्यात येणार आहे. कंपनीचा किमान १५ टक्के हिस्सा एनआयआयसाठी राखीव ठेवण्यात येणार आहे.

अँकर गुंतवणूकदारांसाठी हा आयपीओ ९ जानेवारी रोजी खुला करण्यात आला. कंपनीनं अँकर इन्व्हेस्टर्सच्या माध्यमातून ९.५५ कोटी रुपये उभे केले आहेत.

हेही वाचा: शेअर बाजार पुन्हा उसळी मारणार? गुंतवणुकीआधी पाहा एक्सपर्ट्स काय म्हणतात?

किती आहे जीएमपी?

इन्व्हेस्टर्स गेनच्या अहवालानुसार, ग्रे मार्केटमध्ये सात करतार शॉपिंग आयपीओची स्थिती बरीच मजबूत आहे. हा आयपीओ आज २५ रुपयांच्या जीएमपीवर उपलब्ध आहे. हा आतापर्यंतचा सर्वाधिक जीएमपी आहे. हीच परिस्थिती कायम राहिल्यास हा आयपीओ १०० रुपयांच्या पुढं लिस्ट होऊ शकतो.

काय करते ही कंपनी?

ही आयुर्वेद कंपनी आहे. ही कंपनी विविध आजारांवर औषधे तयार करते. कंपनी आपली बहुतेक विक्री ऑनलाइन करते (वेबसाइट आणि ईकॉमर्स प्लॅटफॉर्मच्या आधारे). याशिवाय सात करतार शॉपिंग टीव्ही मार्केटिंगच्या माध्यमातूनही आपल्या वस्तूंची विक्री करते.

हेही वाचा: भारतातील सर्वात मोठ्या आयटी कंपनीचा धमाका; तिमाही निकाल येताच केली 'डबल' डिविडंडची घोषणा

(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)