मराठी बातम्या  /  बिझनेस  /  Samsung M Series : कुठेही आणि कसाही काढा फोटो! सॅमसंगच्या 'या' फोनमध्ये मिळणार 'नो शेक कॅमेरा' फीचर!

Samsung M Series : कुठेही आणि कसाही काढा फोटो! सॅमसंगच्या 'या' फोनमध्ये मिळणार 'नो शेक कॅमेरा' फीचर!

Ashwjeet Rajendra Jagtap HT Marathi
Apr 04, 2024 02:12 PM IST

Samsung M Series launch in India: सॅमसंग कपनीची एम सीरिज येत्या ८ एप्रिलला भारतीय बाजारात लॉन्च होत आहे, ज्यात सॅमसंग गॅलेक्सी एम ५५ 5G आणि सॅमसंग गॅलेक्सी एम १५ 5G अशा दोन स्मार्टफोनचा समावेश आहे.

सॅमसंग कंपनीची एम सीरिज लवकरच भारतीय बाजारात दाखल होत आहे.
सॅमसंग कंपनीची एम सीरिज लवकरच भारतीय बाजारात दाखल होत आहे. (Samsung)

Samsung Galaxy M55 5G And Samsung Galaxy M15 5G: स्मार्टफोन निर्माता कंपनी सॅमसंगची एम सीरिज येत्या ८ एप्रिल २०२४ भारतीय बाजारात दाखल होत आहे. या सीरिजमध्ये सॅमसंग गॅलेक्सी एम ५५ 5G आणि सॅमसंग गॅलेक्सी एम १५ 5G अशा दोन स्मार्टफोनचा समावेश आहे. या फोनमध्ये ग्राहकांना अनेक सेगमेंट लीडिंग फीचर्स देण्यात आले आहेत. हे दोन्ही फोन ८ एप्रिलला रात्री १२ वाजता भारतात लॉन्च केले जातील.

Vivo T3 5G Sale: विवो टी३ फोन आजपासून खरेदीसाठी उपलब्ध; डिस्प्लेपासून ते बॅटरीपर्यंत सगळंच भारी!

सॅमसंग गॅलेक्सी एम ५५ 5G

कंपनीने दिलेल्या माहितीनुसार, सॅमसंग गॅलेक्सी एम ५५ 5G मध्ये १२० हर्ट्झच्या रिफ्रेश रेटसह ६.७ इंचाचा फुल एचडी+ सुपर एमोलेड प्लस डिस्प्ले असेल, जो १००० निट्सच्या पीक ब्राइटनेसला सपोर्ट करेल. गॅलेक्सी एम ५५ 5G मध्ये ५० मेगापिक्सलचा (ओआयएस) नो शेक कॅमेरा देण्यात आला आहे, ज्यात इमेज क्लिपर आणि ऑब्जेक्ट इरेजर सारख्या एआय फीचर्सचा समावेश असेल. सॅमसंगच्या फ्लॅगशिप डिव्हाइसमधून नाइटोग्राफी फीचरही मिळणार आहे. सेल्फी आणि व्हिडिओ कॉलिंगसाठी ग्राहकांना या फोनमध्ये ५० मेगापिक्सलचा सेल्फी कॅमेरा मिळणार आहे. याशिवाय, या फोनमध्ये नॉक्स सिक्युरिटी आणि टॅप-टू-पे सारख्या सॅमसंग वॉलेटसारखे फीचर्स मिळतील. याचबरोबर फोनमध्ये ५ हजार एमएएच क्षमता असलेल्या बॅटरीचा समावेश करण्यात आला आहे, जी ४५ वॅट चार्जिंगला सपोर्ट करेल. हा फोन लाइट ग्रीन आणि डेनिम ब्लॅक अशा दोन रंगांमध्ये बाजारात उपलब्ध होईल.

Motorola Edge 50 Pro: जबरदस्त डिस्प्लेसह मोटोरोला एज ५० प्रो भारतात लॉन्च, जाणून घ्या किंमत

 

सॅमसंग गॅलेक्सी एम १५ 5G

सॅमसंग गॅलेक्सी एम १५ 5G मध्ये नॉक्स सिक्युरिटीसह ६.५ इंचाचा फुल एचडी+ सुपर एमोलेड डिस्प्ले मिळेल. स्मार्टफोनमध्ये ५० मेगापिक्सलचा ट्रिपल कॅमेरा सेटअप असेल. सॅमसंगचे म्हणणे आहे की, गॅलेक्सी एम १५ 5G मध्ये ६ हजार एमएएचची बॅटरी असेल, जी 2 दिवसांपर्यंत टिकेल. हा फोन सेलेस्टाइन ब्लू, स्टोन ग्रे आणि ब्लू टोपाझ अशा तीन रंगांमध्ये उपलब्ध असेल.

सॅमसंग गॅलेक्सी झेड फ्लिप ५ 5G वर मोठी सूट

सॅमसंग गॅलेक्सी झेड फ्लिप ५ 5G ची किंमत ९९ हजार ९९९ रुपये आहे. ज्यात ग्राहकांना ६.७ इंचाचा डिस्प्लेसह ड्युअल कॅमेरा सेटअप मिळत आहे. प्रायमरी कॅमेरा १२ मेगापिक्सलचा आणि १२ मेगापिक्सलचा अल्ट्रा वाइड कॅमेरा मिळत आहे. अ‍ॅमेझॉनवर या स्मार्टफोनच्या खरेदीवर मोठी सूट मिळत आहे.

WhatsApp channel

विभाग