नव्या लूकमध्ये बाजारात येतोय सॅमसंगचा मिड-रेंज स्मार्टफोन, कॅमेऱ्याची डिझाइन पाहिलीत का?
Samsung Galaxy A56: सॅमसंग गॅलेक्सी ए-सीरिजचा नवा फोन लवकरच बाजारात दाखल होणार आहे. लॉन्चिंगआधाची या फोनचे डिझाइन लीक झाले आहे, ज्याचा मागील कॅमेरा आयफोनसारखा दिसत आहे.
Samsung Galaxy A56 Design Leaked: सॅमसंग गॅलेक्सी ए-सीरिजचा नवा फोन लवकरच बाजारात दाखल होत आहे. अलीकडेच सॅमसंग गॅलेक्सी ए ३६ आणि सॅमसंग गॅलेक्सी ए २६ चे रेंडर्स ऑनलाइन लीक झाले होते, ज्यात त्यांच्या डिझाइनचा खुलासा झाला होता. आता सॅमसंग गॅलेक्सी ए५६ चे डिझाइन समोर आले आहे. या फोनचे रेंडर्स टिप्सटर ऑनलीक्सने शेअर केले आहेत. गेल्या वर्षी आलेल्या गॅलेक्सी ए ५५ चा उत्तराधिकारी म्हणून लॉन्च होणार आहे. डिझाइनमध्ये सर्वात मोठा बदल कॅमेरा मॉड्यूलमध्ये दिसून येत आहे, जो आयफोन १६ सारखा दिसत आहे.
सॅमसंग कंपनीचा आगामी मिड-रेंज स्मार्टफोन असणार आहे. सॅमसंग गॅलेक्सी ए ५६ चे डिझाइन गॅलेक्सी ए ३६ आणि ए २६ सारखेच असेल. यात यंदाच्या गॅलेक्सी ए-सीरिज मॉडेल्समध्ये फ्लॅट फ्रेम आणि की आयलंड सारखे फीचर्स असतील. फोनच्या उजव्या बाजूला पॉवर आणि व्हॉल्यूम रॉकर बटन देण्यात येणार आहे.
लीक झालेल्या रेंडरनुसार, डिझाइनमध्ये सर्वात लक्षणीय बदल कॅमेरा मॉड्यूलमध्ये आहे जो आयफोन १६ च्या लूकमध्ये दिसत आहे. कॅमेरा मॉड्यूलच्या बाजूला एलईडी फ्लॅश लावण्यात आला आहे. या ओव्हल कॅमेरा मॉड्यूलमध्ये तीन कॅमेरा सेन्सर दिसतील. गॅलेक्सी ए५६ मध्ये पंच-होल डिस्प्ले आहे. जसे फोनच्या तळाशी सिमकार्ड ट्रे, स्पीकर ग्रिल, यूएसबी-सी पोर्ट आहे. हा स्मार्टफोन फिकट पिंक कलरमध्ये दिसत आहे. सॅमसंग गॅलेक्सी ए५६ हा स्मार्टफोन 3C सर्टिफिकेशन वेबसाइटवर दिसला होता.
सॅमसंग गॅलेक्सी ए ५६ ची संभाव्य फीचर्स
सॅमसंगचा फोन ४५ वॅट चार्जिंगसह येणार आहे. गॅलेक्सी ए ५५ या वर्षी मार्चमध्ये आणि ए५४ गेल्या मार्चमध्ये लॉन्च करण्यात आला. तर, सॅमसंग गॅलेक्सी ए ५६ साठी देखील याच टाइमलाइनवर चिकटून राहील, अशी अपेक्षा आपण करू शकतो. गॅलेक्सी ए५६ 5G मध्ये एक्सीनॉस १५८० चिपसेट असण्याची शक्यता आहे. यापूर्वीच्या रिपोर्टमध्ये असे सूचित केले गेले आहे की, हा प्रोसेसर एस २१ अल्ट्रामध्ये ऑफर केलेल्या स्नॅपड्रॅगन ८८८ सारखीच कामगिरी देऊ शकतो.
कॅमेरा सेटअपबद्दल बोलायचे झाले तर, गॅलेक्सी ए ५६ चे फीचर्स समोर आलेले नाहीत. यात गॅलेक्सी ए ५५ सारखा कॅमेरा असण्याची शक्यता आहे. गॅलेक्सी ए५५ च्या मागील बाजूस ५० मेगापिक्सलचा प्रायमरी कॅमेरा, १२ मेगापिक्सलचा सेकंड कॅमेरा आणि ५ मेगापिक्सलचा तिसरा कॅमेरा होता. फ्रंट फेसिंग कॅमेऱ्यासाठी कंपनी नवीन १२ मेगापिक्सलचा सेन्सर आणणार आहे.
