मराठी बातम्या  /  बिझनेस  /  Samsung: सॅमसंगचा धमाका, अचानक 'या' स्मार्टफोनची किंमत केली कमी; हजारोंची बचत होणार!

Samsung: सॅमसंगचा धमाका, अचानक 'या' स्मार्टफोनची किंमत केली कमी; हजारोंची बचत होणार!

Ashwjeet Rajendra Jagtap HT Marathi
Jan 08, 2024 06:00 PM IST

Samsung Galaxy A 05s: सॅमसंग कंपनीने गॅलेक्सी ए ०५ एस स्मार्टफोनची किंमत कमी केली आहे.

Samsung Galaxy A 05s
Samsung Galaxy A 05s

Smartphones Under 15000: सॅमसंग कंपनीचा बजेट स्मार्टफोन खरेदी करण्यासाठी इच्छुक असलेल्या ग्राहकांसाठी आनंदाची बातमी आहे. सॅमसंग कंपनीने गॅलेक्सी ए ०५ एस स्मार्टफोनची किंमत कमी केली आहे. हा स्मार्टफोन गेल्या वर्षी भारतीय बाजारात लॉन्च झाला होता. हा फोन ४ जीबी आणि ६ जीबी रॅमसह सादर करण्यात आला होता. ४ जीबी रॅम आणि ६ जीबी रॅम असलेल्या स्मार्टफोनच्या किंमतीत अनुक्रमे १००० आणि २००० रुपयांची कपात करण्यात आली.

सॅमसंग गॅलेक्सी ए ०५ एस स्मार्टफोनच्या ४ जीबी रॅम असलेला स्मार्टफोन ११ हजार ४९९ रुपयांना खरेदी केला जाऊ शकतो. दुसरीकडे ६ जीबी रॅम असलेला स्मार्टफोन २ हजारांच्या कपातीनंतर १२ हजार ९९९ रुपयांत घरी नेता येणार आहे. हा स्मार्टफोन लाइट ग्रीन, लाइट वॉयलेट आणि ब्लॅक अशा तीन रंगात उपलब्ध आहे.

सॅमसंग गॅलेक्सी ए ०५ एस मध्ये ६.७ इंचाचा डिस्प्ले मिळत आहे. याशिवाय, फोनमध्ये ५० मेगापिक्सलचा प्रायमरी कॅमेरा, २ मेगापिक्सल डेप्थ सेन्सर मॅक्रो कॅमेरा देण्यात आला आहे. सेल्फीसाठी ग्राहकांना १३ मेगापिक्लचा कॅमेरा मिळत आहे. फोन ४ जीबी रॅम आणि ६ जीबी रॅम अशा दोन व्हेरिएंटसह लॉन्च करण्यात आला होता. सॅमसंग गॅलेक्सी ए ०५ एसमध्ये ग्राहकांना ५ हजार एमएएच क्षमता असलेली बॅटरी मिळत आहे, जी २५ वॅट फास्ट चार्जिंगला सपोर्ट करते. हा स्मार्टफोन एकदा चार्ज केल्यानंतर दोन दिवस बॅटरी बॅकअप देऊ शकतो, असा कंपनीचा दावा आहे.

WhatsApp channel

विभाग