stocks in watch : 'या' शेअरच्या वेगानं रॉकेटलाही लाजवलं! दोन दिवसांत गुंतवणूकदारांनी किती कमावले बघाच!

मुंबई शेअर मार्केटमध्ये बुधवारी एसपी अपॅरल्स लिमिटेडचा शेअर २० टक्क्यांनी वधारून १,१३३ रुपयांवर पोहोचला. कंपनीच्या शेअर्सनी बुधवारी ५२ आठवड्यांचा नवा उच्चांक गाठला. या शेअरचा ५२ आठवड्यांतील नीचांकी स्तर ४२९.४० रुपये आहे.

शेअरनं पकडला रॉकेटचा वेग

मागच्या दोन दिवसांत अपॅरल्स कंपनीचा शेअर ७९० रुपयांवरून ११३३ रुपयांवर पोहोचला आहे. तर, ४ जून २०२४ च्या पातळीपासून  या शेअरमध्ये ११४ टक्के वाढ झाली आहे. कंपनीचा शेअर ४ जून रोजी ५३० रुपयांवर होता. तो आज ११३३ रुपयांवर पोहोचला आहे. 

एसपी अपॅरल्स लिमिटेडच्या शेअरमध्ये या कॅलेंडर वर्षात आतापर्यंत ८५ टक्क्यांहून अधिक वाढ झाली आहे. या वर्षी १ जानेवारी रोजी कंपनीचा शेअर ६०५.८० रुपयांवर होता. तो आज, ७ ऑगस्ट २०२४ रोजी ११३३ रुपयांवर पोहोचला आहे. गेल्या वर्षभरात एसपी अपॅरल्स लिमिटेडच्या शेअरमध्ये १३० टक्क्यांहून अधिक वाढ झाली आहे. ७ ऑगस्ट २०२३ रोजी कंपनीचा शेअर ४५२.१५ रुपयांवर होता, तो आज ११३३ रुपयांवर पोहोचला आहे.

हेही वाचा: एका दिवसात कंपनीच्या शेअरमध्ये तब्बल १२ टक्क्यांची वाढ, तुम्ही केलीय का गुंतवणूक?

चिल्ड्रन वेअर मार्केटमध्ये कंपनीचा दबदबा

बांगलादेशला निर्यातीतून मिळणाऱ्या उत्पन्नाचा मुख्य स्त्रोत वस्त्रोद्योग क्षेत्र आहे. दर महिन्याला बांगलादेशची कपड्यांची निर्यात ३.५ ते ३.८ अब्ज डॉलर इतकी आहे. युरोपियन युनियन आणि युनायटेड किंग्डममध्ये बांगलादेशचा निर्यात बाजारातील वाटा दोन आकडी आहे. तर, अमेरिकेच्या बाजारपेठेत बांगलादेशचा मार्केट शेअर १० टक्के आहे. एस. पी. अपॅरल्स लिमिटेड ही कंपनी प्रौढांसह नवजात बालके आणि लहान मुलांच्या विणलेल्या कपडाच्या उद्योगातील अग्रगण्य कंपन्यांपैकी एक आहे.

(डिस्क्लेमर: हे वृत्त माहितीपर आहे. हा कोणत्याही प्रकारचा गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं गुंतवणुकीचा कोणताही निर्णय घेण्याआधी आपल्या आर्थिक सल्लागाराशी चर्चा करावी.)