Jio vs Airtel: रिलायन्स जिओ की एअरटेल, ९० दिवसांच्या वैधतेसह येणारा कुठला प्लान चांगला? वाचा
Relience Jio vs Airtel: रिलायन्स जिओ आणि एअरटेल यांच्या ९० दिवसांच्या प्रीपेड प्लानची तुलना करुयात.
Prepaid Plans with 90 Days Validity: जर तुम्हाला वारंवार रिचार्जचा त्रास नको असेल आणि १००० रुपयांपेक्षा कमी किंमतीत दीर्घ वैधता असलेल्या प्लानच्या शोधत असाल तर ही बातमी तुमच्यासाठी आहे. आज आम्ही तुम्हाला रिचार्ज प्लॅन्सबद्दल सांगत आहोत, जे ९० दिवसांच्या वैधतेसह येतात. या प्लानमध्ये तुम्हाला दीर्घ वैधतेसह अनलिमिटेड कॉलिंगसह भरपूर डेटा आणि एसएमएस मिळतात. तुमच्या सोयीसाठी आम्ही रिलायन्स जिओ आणि एअरटेल यांच्या ९० दिवसांच्या प्लानची तुलना केली आहे. पाहा कोणता प्लान तुमच्यासाठी सोयीस्कर आहे.
जिओचा ८९९ रुपयांचा प्रीपेड प्लान
जिओचा ८९९ रुपयांचा प्रीपेड प्लान ९० दिवसांच्या वैधतेसह येतो. या प्लानची सरासरी काढली तर हा प्लानसाठी दिवसाला फक्त ९.९८ रुपये खर्च आहे. या प्लानमध्ये ग्राहकांना अनलिमिटेड कॉलिंगसह दररोज २ जीबी डेटा आणि दररोज १०० एसएमएस मिळतात. तसेच २० जीबी अतिरिक्त डेटा देखील मिळतो, ज्यामुळे एकूण डेटा २०० जीबी होतो. पण चांगली बाब म्हणजे, या प्लानचे ग्राहक अनलिमिटेड 5G डेटासाठी देखील पात्र आहेत. या प्लानमध्ये जिओ टीव्ही, जिओ सिनेमा आणि जिओ क्लाऊडचा अॅक्सेस देखील आहे.
एअरटेलचा ९२९ रुपयांचा प्रीपेड प्लान
एअरटेलचा ९२९ रुपयांचा प्रीपेड प्लान आहे, ज्याची वैधता ९० दिवसांची आहे. किंमत आणि वैधतेनुसार प्लानची दैनंदिन किंमत फक्त १०.३२ रुपये आहे. या प्लानमध्ये ग्राहकांना अनलिमिटेड कॉलिंगसह दररोज १.५ जीबी डेटा (म्हणजेच एकूण १३५ जीबी) आणि दररोज १०० एसएमएस मिळतात. या प्लानमध्ये एअरटेल एक्सट्रीम अॅप, अपोलो २४/७ सर्कल, फ्री हॅलोट्यून्ससारखे फायदे आहेत. या प्लानचे ग्राहक अनलिमिटेड 5G डेटासाठी पात्र नाहीत.
इतर प्लान
- रिलायन्स जिओ अॅनुअल मूल्य प्लान: रिलायन्स जिओ ३३६ दिवस आणि ३६५ दिवसांच्या वैधतेसह व्हॅल्यू प्लान देत आहे. पहिल्या ३३६ दिवसांची वैधता असलेल्या प्लानची किंमत ८९५ रुपये असून २४ जीबी डेटा मिळतो. यात अनलिमिटेड कॉलिंग, दर २८ दिवसांनी ५० एसएमएस आणि जिओ अॅप्सचा फ्री अॅक्सेस मिळतो. तर, ३६५ दिवसांच्या वैधतेसह येणारा कंपनीचा डेली डेटा प्लान ३ हजार ५९९ रुपयांचा आहे. यात दररोज २.५ जीबी डेटा दिला जात असून सर्व नेटवर्कवर अनलिमिटेड कॉलिंग करता येते. तसेच दररोज १०० एसएमएस पाठविण्याचा पर्याय आहे. या प्लॅनमध्ये जिओ अॅप्सचा अॅक्सेसही मिळतो.
- एअरटेल आणि व्हीआयचे अॅनुअल मूल्य प्लान: भारती एअरटेल आणि व्होडाफोन आयडिया दोन्ही एकाच किंमतीत ३६५ दिवसांची वैधता असलेले प्लान लॉन्च करत आहेत. या प्लानची किंमत १ हजार ९९९ रुपये असून रिचार्ज केल्यास एकूण २४ जीबी डेटा मिळतो. युजर्सना मेसेज पाठवण्याचा आणि सर्व नेटवर्कवर अनलिमिटेड कॉलिंग करण्याचा पर्याय दिला जात आहे.
संबंधित बातम्या