Reliance Jio: रिलायन्स जिओचा ग्राहकांना मोठा धक्का; वर्षभर चालणारा सर्वात स्वस्त प्लान बंद!
Reliance Jio Prepaid Plan: जिओने आपल्या अधिकृत वेबसाइटवरून जिओ सिनेमाचा सर्वात स्वस्त ऑल इयर रनिंग प्रीमियम प्लान काढून टाकला आहे. हा प्लान आता जिओच्या साइटवरून हटवण्यात आला आहे.
Reliance Jio News: जिओने आपल्या अधिकृत वेबसाईटवरून आपल्या सर्वात स्वस्तात चालणाऱ्या जिओ सिनेमाचा प्रीमियम प्लान काढून टाकला आहे. नुकताच २९९ रुपयांत सादर करण्यात आलेला हा प्लान आता जिओच्या साइटवरून हटवण्यात आला आहे. हा प्लॅन आता खरेदीसाठी उपलब्ध नाही. प्लॅटफॉर्मने अलीकडेच जाहिरात- मुक्त स्ट्रीमिंग सुरू करण्याच्या आपल्या प्लानच्या किंमतीत बदल केला आहे.
काही आठवड्यांपूर्वी जिओ सिनेमाने आपल्या प्लानच्या किंमती कमी केल्या, जिओने ९९९ रुपयांच्या वार्षिक प्लानची किंमत ५९९ रुपये केली. याशिवाय, प्लानसोबत इतरही काही बेनिफिट्स दिले जात होते, त्यानंतर जिओसिनेमाचे वार्षिक सब्सक्रिप्शन २९९ रुपयांत खरेदी करता येणार आहे. जिओसिनेमाचा वार्षिक प्रीमियम प्लॅन 299 प्लॅटफॉर्मने रद्द केला आहे कारण तो आता त्याच्या वेबसाइटवर दिसत नाही.
इतकेच नाही तर प्लॅटफॉर्मच्या एफएक्यू विभागातही आता योजनेबद्दल कोणतीही उदाहरणे नमूद केलेली नाहीत. जिओसिनेमाचा हा प्लॅन पुन्हा येण्याची शक्यता आहे. पण सध्या तरी युजर्सला या प्लॅनमधून रिचार्ज करता येणार नाही. जिओसिनेमाचे सब्सक्रिप्शन घेण्यासाठी आता दोनच प्लॅन उपलब्ध आहेत. सर्वात स्वस्त जिओसिनेमा प्लॅनची किंमत २९ रुपये आहे. तर, दुसऱ्या प्लॅनची किंमत ८९ रुपये आहे. तुम्ही तुमचे बजेट आणि प्लॅनमध्ये मिळणाऱ्या सोयीनुसार प्लॅन निवडू शकता.
जिओचा ६९९ रुपयांचा प्लान:
कंपनीचा हा प्लॅन तीन फॅमिली सिमसह येतो. यामध्ये इंटरनेट वापरण्यासाठी एकूण १०० जीबी डेटा दिला जात आहे. फॅमिली सिममध्ये कंपनी दरमहिन्याला अतिरिक्त ५ जीबी डेटा देत आहे. या प्लॅनमध्ये तुम्हाला दररोज १०० फ्री एसएमएस मिळतील. याशिवाय जिओच्या या प्लानमध्ये देशभरातील सर्व नेटवर्कसाठी अनलिमिटेड कॉलिंग देखील मिळते. जिओचा हा प्लॅन अनेक अतिरिक्त बेनिफिट्ससोबत येतो. यात तुम्हाला नेटफ्लिक्स बेसिकसोबत अॅमेझॉन प्राईम लाइट, जिओ टीव्ही आणि जिओ सिनेमाचा फ्री अॅक्सेस मिळेल. लक्षात ठेवा या प्लानमध्ये तुम्हाला जिओ सिनेमाचे प्रीमियम सब्सक्रिप्शन दिले जात नाही. याशिवाय अतिरिक्त सिमसाठी दरमहा ९९ रुपये भाडे द्यावे लागणार आहे.
संबंधित बातम्या