रियलमीचा स्पेशल एडिशन स्मार्टफोन बाजारात, मिळतायेत तगडे फीचर्स; जाणून घ्या किंमत

रियलमी जीटी ७ प्रो रेसिंग एडिशनच्या स्पेसिफिकेशन्सबद्दल बोलायचे झाले तर, यात मायक्रो-क्वाड कर्व्ड डिझाइनव्यतिरिक्त ६.७८ इंचाचा बीओई एस २ ओएलईडी डिस्प्ले देण्यात आला आहे. हा डिस्प्ले १२० हर्ट्झ रिफ्रेश रेट आणि ६००० नाइट्सची पीक ब्राइटनेस देतो. हे एचडीआर १०+ आणि डॉल्बी व्हिजनला देखील सपोर्ट करते. फ्लॅगशिप स्नॅपड्रॅगन ८ एलिट प्रोसेसर असलेल्या डिव्हाइसमध्ये LPDDR4X रॅम आणि यूएफएस ४.१ स्टोरेज आहे.

रिअलमी स्मार्टफोनमध्ये ११ हजार ४८० स्क्वेअर एमएम ड्युअल-चेंबर व्हेपर कूलिंग सिस्टिम देण्यात आली आहे, जेणेकरून तो लॉन्ग गेमिंग किंवा मल्टी टास्किंग सेशन दरम्यान जास्त गरम होऊ नये. अ‍ॅल्युमिनियम मिडल फ्रेम आणि ग्लास सँडविच डिझाइन असलेल्या फोनला आयपी ६८/६९ डस्ट आणि वॉटर रेझिस्टन्स रेटिंग देण्यात आले आहे. या फोनमध्ये १२० वॅट वायर्ड फास्ट चार्जिंग सपोर्टसह ६ हजार ५०० एमएएच क्षमतेची बॅटरी देण्यात आली आहे.

रिअलमी जीटी ७ प्रो रेसिंग एडिशन: कॅमेरा

कॅमेरा सेटअपबद्दल बोलायचे झाले तर, या फोनच्या बॅक पॅनेलमध्ये ५० एमपी सोनी आयएमएक्स ८९६ प्रायमरी प्रोसेसरसह ८ एमपी अल्ट्रा-वाइड OV08D10 कॅमेरा सेन्सर आहे. सेल्फी आणि व्हिडिओ कॉलसाठी यात १६ एमपी सॅमसंग एस 5K 3P9 फ्रंट कॅमेरा सेन्सर देण्यात आला आहे. यात डॉल्बी अ‍ॅटमॉस सपोर्टसह ड्युअल स्पीकर्स देण्यात आले आहेत.

रिअलमी जीटी ७ प्रो रेसिंग एडिशन: किंमत

चिनी बाजारात लॉन्च झालेल्या रियलमी जीटी ७ प्रो रेसिंग एडिशनची सुरुवातीची किंमत १२ जीबी रॅमसह २५६ जीबी स्टोरेज असलेल्या बेस व्हेरियंटची किंमत ३,०९९ युआन (सुमारे ३७,००० रुपये) ठेवण्यात आली आहे. हा स्मार्टफोन नेपच्यून एक्सप्लोरर व्हर्जन (ब्लू) आणि स्टार-ट्रेल टायटॅनियम रंगात उपलब्ध आहे.  रिअलमीचा हा नवा स्मार्टफोन भारतीय बाजारात कधी लॉन्च होतोय, याबाबत अद्याप कोणतीही अधिकृत माहिती समोर आली नाही.