Upcoming Smartphones: कमी किंमतीत जबरदस्त फीचर्स; मे महिन्यात बाजारात धुमाकूळ घालायला येत आहेत 'हे' ५ स्मार्टफोन!
Upcoming Smartphones In May 2024: मे महिन्यात काही धमाकेदार स्मार्टफोन बाजारात दाखल होणार आहेत. ज्यात रिअलमी, पोको, विवो यांसारख्या ब्रँडचा समावेश आहे.
Upcoming Smartphones List: यावर्षी अनेक स्मार्टफोन निर्मात्या कंपन्यांनी त्यांचे नवीन स्मार्टफोन भारतीय बाजारात लॉन्च केले आहेत. येत्या काही दिवसांत भारतात अनेक आतुरतेने वाट पाहत असलेल्या मॉडेल्सचे आगमन होणार आहे, जे ग्राहकांना त्यांच्या ब्रँड अपील आणि अत्याधुनिक वैशिष्ट्यांनी भुरळ घालण्याचे आश्वासन देतात. सॅमसंग गॅलेक्सी एफ ५५, विवो वाय २०० प्रो, इनफिनिक्स जीटी २० प्रो, रियलमी जीटी ६ टी, पोको एफ ६ हे बहुप्रतीक्षित स्मार्टफोन या महिन्यात बाजारात दाखल होत आहेत.
मे महिन्यांत लॉन्च होणारे स्मार्टफोन
१) रियलमी जीटी ६ टी
२२ मे रोजी लाँच होणार आहे, रियलमी जीटी ६ टी ३५ हजारांपेक्षा कमी किंमतीच्या रेंजमध्ये येण्याची शक्यता आहे. एलटीपीओ एमोलेड १२० हर्ट्झ स्क्रीनसह ६,००० निट्स पर्यंत पीक ब्राइटनेस, स्नॅपड्रॅगन ७+ जेन ३ चिपसेट आणि १२० वॉट चार्जिंग क्षमता असलेली ५,५०० एमएएच बॅटरी आहे.
२) विवो वाय २०० प्रो
२१ मे रोजी लाँच होणार असून विवो वाय २०० प्रो २५ हजार रुपयांपेक्षा कमी किंमतीच्या सेगमेंटमध्ये आपला ठसा उमटवण्याची शक्यता आहे. यात कर्व्ड १२० हर्ट्झ एमोलेड स्क्रीन, स्नॅपड्रॅगन ६९५ चिपसेट, ६४ एमपी प्रायमरी कॅमेरा आणि १६ एमपी सेल्फी कॅमेरा मिळत आहे.
३) पोको एफ ५ 5G
पोको एफ ५ चा उत्तराधिकारी २३ मे रोजी रिलीज होणार आहे, ज्याची किंमत ३० हजार ते ३५ हजार रुपयांदरम्यान असण्याची अपेक्षा आहे. या फोनमध्ये १.५ के एमोलेड १२० हर्ट्झ स्क्रीन, २४०० निट्स पीक ब्राइटनेस, ४ एनएम स्नॅपड्रॅगन ८ एस जेन ३ चिपसेट, शाओमी हायपरओएस सॉफ्टवेअर आणि ५० एमपी प्रायमरी रियर कॅमेरा मिळण्याची शक्यता आहे.
सॅमसंग गॅलेक्सी एफ ५५
२७ मे रोजी लाँच होणारा सॅमसंग गॅलेक्सी एफ ५५ ची किंमत २६ हजार ९९९ रुपयांपासून सुरू होण्याची शक्यता आहे. यात १२० हर्ट्झ एमोलेड स्क्रीन, व्हेगन लेदर बॅक, स्नॅपड्रॅगन ७ जेन १ चिपसेट, ४५ वॉट फास्ट चार्जिंग सपोर्ट, ५० मेगापिक्सल रिअर कॅमेरा आणि ५० मेगापिक्सलचा सेल्फी देण्यात आला आहे.
५) इनफिनिक्स जीटी २० प्रो
जीटी १० प्रो नंतर इनफिनिक्स जीटी २० प्रो महत्त्वपूर्ण हार्डवेअर अपग्रेडसह येण्याची अपेक्षा आहे. मीडियाटेक डायमेंसिटी चिप, बॅक पॅनेलवर एलईडी दिवे, अमोलेड डिस्प्ले आणि २५ हजार रुपयांपेक्षा कमी किंमत असलेला हा फोन अँड्रॉइड १४ आउट ऑफ द बॉक्ससह सुसज्ज असेल.
