८ जीबी रॅम, ५६६० एमएएच बॅटरी आणि सुपरफास्ट चार्जिंग; बाजारात येतोय रिअलमीचा नवा फोन
रियलमीचा आगामी फोन रियलमी सी७५ ४जी फोन अनेक सर्टिफिकेशन वेबसाइट्सवर दिसला असून लवकरच त्याला जागतिक स्तरावर लॉन्च केला जाऊ शकते.
Realme Upcoming Smartphones: रियलमी सी७५ ४जी लवकरच लाँच होण्याची शक्यता आहे. हा आगामी फोन अनेक सर्टिफिकेशन वेबसाइट्सवर दिसला असून, लवकरच तो जागतिक स्तरावर लाँच केला जाऊ शकतो, असे संकेत मिळत आहेत. हा फोन आता एका लोकप्रिय बेंचमार्किंग वेबसाइटवर दिसला आहे, ज्यात त्याच्या चिपसेट, रॅम आणि ऑपरेटिंग सिस्टमबद्दल माहिती उघड झाली आहे. जुने मॉडेल म्हणजेच रियलमी सी ६५ यावर्षी एप्रिलमध्ये कंपनीने निवडक जागतिक बाजारपेठांमध्ये ८ जीबी पर्यंत रॅम, ५००० एमएएच बॅटरी आणि ५० मेगापिक्सलमुख्य रिअर कॅमेरा सह मीडियाटेक हेलियो जी ८५ चिपसेटसह लाँच केले होते.
मायस्मार्टप्राइसच्या रिपोर्टनुसार, रियलमी सी ७५ ४ जी मॉडेल नंबर RMX3941 सह गीकबेंचवर स्पॉट करण्यात आला आहे. लिस्टिंगमध्ये हा फोन 403 पॉईंट्सचा सिंगल कोर स्कोअर आणि 1383 पॉईंट्सचा मल्टी-कोर स्कोअर दाखवण्यात आला आहे. यात ऑक्टा-कोर प्रोसेसर देण्यात आला असून, दोन कोर २.० गीगाहर्ट्झ आणि सहा कोर १.८० गीगाहर्ट्झवर आहेत.
रिपोर्टनुसार, आगामी रियलमी सी 75 4 जी मध्ये मीडियाटेक हेलियो जी 85 चिपसेट मिळण्याची शक्यता आहे. गीकबेंच लिस्टिंगनुसार यात माली जी 52 एमसी 2 जीपीयू आणि 8 जीबी रॅम असेल. हा स्मार्टफोन अँड्रॉइड 14 बेस्ड रियलमी यूआय 5 वर चालणार आहे.
थायलंडच्या एनबीटीसी वेबसाइटवरील लिस्टिंगमध्ये रियलमी सी ७५ ४ जी हे नाव आधीच कन्फर्म करण्यात आले आहे. हा फोन ईईसी (युरेशियन इकॉनॉमिक कमिशन) आणि एफसीसी सर्टिफिकेशन साइट्सवरही दाखवण्यात आला आहे. यात 5660 एमएएच रेटेड बॅटरी असण्याची शक्यता आहे, ज्याचे सामान्य मूल्य 5828 एमएएच आणि 45 वॉट वायर्ड फास्ट चार्जिंग आहे. फोनमध्ये कनेक्टिव्हिटीसाठी ४जी एलटीई, ड्युअल सिम सपोर्ट, वाय-फाय, ब्लूटूथ एलई आणि एनएफसी चा समावेश आहे.
रियलमी सी७५ ४जी कॅमेरा एफव्ही-५ लिस्टिंगमध्ये असे दिसून आले आहे की फोनमध्ये एफ/१.९ अपर्चर, २७.३ मिमी फोकल लेंथ, १२८०×९६० चे जास्तीत जास्त पिक्चर रिझोल्यूशन, ऑटो आणि मॅन्युअल फोकससाठी सपोर्ट, तसेच १००-६४०० चा आयएसओ सेन्सर मिळू शकतो.
