मराठी बातम्या  /  बिझनेस  /  Paytm Payment Bank : पेटीएम पेमेंट बँकेवर आरबीआयची मोठी कारवाई, ग्राहकांचं काय होणार?

Paytm Payment Bank : पेटीएम पेमेंट बँकेवर आरबीआयची मोठी कारवाई, ग्राहकांचं काय होणार?

Ganesh Pandurang Kadam HT Marathi
Feb 05, 2024 01:01 PM IST

RBI action against Paytm Payment bank : पेटीएम पेमेंट बँकेविरुद्ध रिझर्व्ह बँक ऑफ इंडियानं कारवाईचा बडगा उगारला आहे.

RBI Action against Paytm Payments Bank
RBI Action against Paytm Payments Bank

Paytm Payment Bank : गेल्या दोन वर्षांपासून अनेक आघाड्यांवर झगडणाऱ्या पेटीएमला आणखी एक धक्का बसला आहे. रिझर्व्ह बँक ऑफ इंडियानं (RBI) पेटीएम पेमेंट्स बँकेवर मोठी कारवाई केली आहे. येत्या २९ फेब्रुवारीनंतर कोणत्याही खात्यात ठेवी स्वीकारू नयेत, असे आदेश बँकेला देण्यात आले आहेत. 

लेखापरीक्षकांनी दिलेल्या अहवालानंतर आरबीआयनं हे कारवाईचं पाऊल उचललं आहे. १९४९ च्या बँकिंग नियमन कायद्याच्या कलम ३५अ अंतर्गत ही कारवाई करण्यात आली आहे. या अहवालानुसार बँकेत अनेक गोष्टीचं काटेकोर पालन होत नव्हतं. त्यामुळं कारवाईची आवश्यकता होती, असं आरबीआयनं लेखापरीक्षकांच्या अहवालाच्या आधारे स्पष्ट केलं आहे. 

mobile spare parts news : मोबाइल स्वस्त होणार! बजेटच्या आधीच केंद्र सरकारनं दिली खूषखबर

२९ फेब्रुवारी २०२४ नंतर पेटीएम पेमेंट्स बँकेचं कोणतंही खातं, प्रीपेड इन्स्ट्रुमेंट्स, वॉलेट, फास्टॅग, एनसीएमसी कार्डमध्ये व्याज, कॅशबॅक किंवा परतावा वगळता इतर कोणत्याही ठेवी किंवा क्रेडिट व्यवहार किंवा टॉप-अपला परवानगी दिली जाणार नाही, असं आरबीआयनं स्पष्ट केलं आहे. वन९७ कम्युनिकेशन्स लिमिटेड आणि पेटीएम पेमेंट सर्व्हिसेस लिमिटेडची नोडल खाती लवकरात लवकर बंद करण्यात यावीत, असे निर्देश रिझर्व्ह बँकेनं दिले आहेत.

IFCI Share Price : शेअर असावा तर असा! अवघ्या दहा महिन्यांत पैसे झाले सात पट

ग्राहकांना रक्कम काढता येणार!

पेटीएम पेमेंट्स बँकेवर अनेक प्रकारचे निर्बंध लादण्यात आलेले असले तरी बचत बँक खाती, चालू खाती, प्रीपेड इन्स्ट्रुमेंट्स, फास्टॅग आणि नॅशनल कॉमन मोबिलिटी कार्डसह ग्राहकांना त्यांच्या खात्यातून शिल्लक रक्कम काढण्यास किंवा वापरण्यास परवानगी असे, असं आरबीआयनं स्पष्ट केलं आहे.

Bank holidays in February : २९ दिवसांच्या फेब्रुवारी महिन्यात तब्बल ११ दिवस राहणार बँका बंद; वाचा यादी

सध्या अर्धवट असलेले व्यवहार आणि नोडल खात्यांचं सेटलमेंट १५ मार्च २०२४ पर्यंत पूर्ण केले जाईल आणि त्यानंतर पुढील कोणत्याही व्यवहारांना परवानगी दिली जाणार नाही. यापूर्वी मार्च २०२२ मध्ये आरबीआयनं पीपीबीएलला नवीन ग्राहकांना ऑनबोर्ड करणं तात्काळ थांबविण्याचे निर्देश दिले होते. त्यानंतर आता पुन्हा तशीच कारवाई करण्यात आली आहे.

WhatsApp channel

विभाग