Ratan Tata Love Story: रतन टाटा चार वेळा पडले प्रेमात मात्र भारत चीन युद्धामुळे होऊ शकले नाही लग्न, नेमकं कारण काय?
Ratan tata : फार कमी लोकांना माहित असेल की भारताचे महान उद्योगपती आणि दानशूर रतन टाटा चार वेळा प्रेमात पडले, पण त्यांनी लग्न केले नाही. बुधवारी वयाच्या ८६ व्या वर्षी त्यांचे निधन झाले.
फार कमी लोकांना माहित असेल की भारताचे महान उद्योगपती आणि दानशूर रतन टाटा चार वेळा प्रेमात पडले, पण त्यांनी लग्न केले नाही. बुधवारी वयाच्या ८६ व्या वर्षी त्यांचे निधन झाले. रक्तदाब अचानक कमी झाल्याने त्यांना मुंबईतील ब्रीच कँडी रुग्णालयात दाखल करण्यात आले होते. रतन टाटा यांनी व्यवसाय आणि परोपकाराच्या जगात एक अतुलनीय वारसा सोडला आहे. आपल्या व्यावसायिक कर्तृत्वापलीकडे टाटांच्या वैयक्तिक आयुष्यानेही अनेकांना आश्चर्यचकित केले आहे, विशेषत: अविवाहित राहण्याचा त्यांचा निर्णय.
सीएनएनला दिलेल्या एका जुन्या मुलाखतीत रतन टाटा यांनी आपल्या प्रेमकथेबद्दल सांगितले की, ते चार वेळा प्रेमात पडले आणि प्रत्येक वेळी लग्नाच्या जवळ आले. मात्र, परिस्थितीने त्यांना नेहमीच माघार घ्यायला भाग पाडले. अमेरिकेत असताना ते लग्न करणार होते, पण १९६२ च्या भारत-चीन संघर्षाने सर्व काही बदलून टाकले, त्या काळाची आठवण त्यांनी सांगितली.
रतन टाटा यांनी सांगितले की, जेव्हा मी अमेरिकेत काम करत होतो, तेव्हा कदाचित हा सर्वात गंभीर मुद्दा होता. आमचं लग्न न होण्याचं एकमेव कारण म्हणजे मी भारतात परत आलो होतो आणि तिलाहा भारतात यायचं होतं मात्र त्यावर्षी भारत-चीन संघर्ष सुरू असल्याने ती आली नाही आणि शेवटी तिने अमेरिकेत दुसऱ्याया कोणाशी तरी लग्न केले.
आपल्या छोट्याशा प्रेमकथेवर दिलेल्या एका मुलाखतीत त्याने रतन टाटाही प्रेमात पडल्याची कबुली दिली. तसे ही एकदा नव्हे, तर चार वेळा झाले. लॉस एंजेलिस (अमेरिका) येथे असताना तो एका आर्किटेक्चर फर्ममध्ये काम करायचा. याच दरम्यान त्याची एका मुलीशी ओळख झाली आणि तो प्रेमात पडला. दोघांनाही एकमेकांशी लग्न करायचं होतं.
प्रेयसीने भारतात येण्यास दिला नकार -
रतन टाटा यांची आजी आजारी पडल्यानंतर ते भारतात आले. त्यांना वाटले की, त्यांची प्रेयसीही भारतात येईल. मात्र तिने भारतात येण्यास नकार दिला. कारण १९६२ चे भारत-चीन युद्ध सुरू झाले होते. यानंतर टाटा त्या मुलीपासून विभक्त झाले.
त्यानंतर मुलीचे लग्न झाले, पण रतन टाटांनी कधीच लग्न केले नाही. ते चार वेळा प्रेमात पडले आणि चार वेळा लग्नाच्या जवळ येऊनही वेगवेगळ्या कारणांमुळे लग्न करू शकले नाहीत, असा खुलासाही त्यांनी केला. अशी योग्य व्यक्ती मिळाली तर लग्न केले असते भले वय कितीही असो.
रतन टाटा यांचे सिमी ग्रेवालसोबत रिलेशन -
अभिनेत्री आणि टॉक शो होस्ट सिमी ग्रेवालनेही २०११ मध्ये टाइम्स ऑफ इंडियाला दिलेल्या मुलाखतीत रतन टाटांना डेट केल्याची कबुली दिली होती. टाटांबद्दल बोलताना ते म्हणाले, "ते परिपूर्ण आहेत, विनोदबुद्धी आहे, विनम्र आणि परिपूर्ण गृहस्थ आहेत. पैसा ही कधीच प्रेरक शक्ती राहिलेली नाही. त्यांचा रोमान्स लग्नापर्यंत पोहोचला नसला तरी दोघे घनिष्ठ मित्र राहिले.
संबंधित बातम्या