PSU Stocks : सरकारी कंपनी आयटीआयच्या शेअरमध्ये तेजी कायम, आजही १० टक्क्यांपर्यंत उसळला शेअर

आयटीआय लिमिटेडच्या शेअरमध्ये काल १५ टक्के आणि त्याच्या आधीच्या व्यवहाराच्या दिवशी १३ टक्क्यांची वाढ दिसून आली. म्हणजेच अवघ्या ३ दिवसात शेअरमध्ये ४२ टक्क्यांनी वाढ झाली आहे.

२५ ऑक्टोबर रोजी हा शेअर ५२ आठवड्यांच्या नीचांकी पातळीवर २१० रुपयांवर पोहोचला होता. आज कंपनीचा शेअर ४०४ रुपयांच्या पातळीवर पोहोचला. अवघ्या २ दिवसात कंपनीच्या शेअर्सच्या किंमतीत ९२ टक्क्यांची वाढ झाली आहे.

हेही वाचा: तीन रुपयांचा 'हा' शेअर सातत्यानं वधारतोय! विदेशी संस्थांचीही आहे मोठी गुंतवणूक, तुमच्याकडं आहे का?

गुंतवणूकदारांसाठी २०२४ कसे गेले?

डिसेंबर महिन्यात आयटीआयच्या शेअर्समध्ये ३८ टक्क्यांची वाढ झाली आहे. तर, नोव्हेंबरमध्ये हा शेअर २७ टक्क्यांनी वधारला. त्याआधी सलग ३ महिने कंपनीच्या शेअर्समध्ये घसरण पाहायला मिळाली होती. कंपनीच्या शेअर्समध्ये ६ महिन्यांत ३४ टक्क्यांची वाढ झाली आहे. तर शेअरच्या किंमतीत ३ वर्षात २३५ टक्क्यांनी वाढ झाली आहे.

बीएसईच्या आकडेवारीनुसार कंपनीनं २००१ मध्ये लाभांश दिला होता. त्यानंतर कंपनीनं ०.५० रुपयांचा लाभांश दिला. ट्रेंडलिनच्या आकडेवारीनुसार या कंपनीत सरकारचा ९० टक्के हिस्सा आहे. कंपनीचं मार्केट कॅप ३६,८५० कोटी रुपये आहे.

हेही वाचा: स्विगीचे शेअर तुमच्याकडं नसतील तर विचार करा! एक्सपर्ट्स म्हणतात, भाव ७०० पार जाणार

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)