Dividend Stock : एका शेअरवर ६० रुपये डिविंडड देणार 'ही' कंपनी, रेकॉर्ड डेट याच महिन्यात

रेकॉर्ड डेट कोणत्या दिवशी आहे?

कंपनीने शेअर बाजाराला दिलेल्या माहितीनुसार, पात्र गुंतवणूकदारांना प्रति शेअर ६० रुपये लाभांश देण्यात येणार आहे. त्यासाठी २८ नोव्हेंबर २०२४ ही रेकॉर्ड डेट निश्चित केली आहे. म्हणजेच ज्या गुंतवणूकदारांचे नाव या दिवशी कंपनीच्या रेकॉर्ड बुकमध्ये राहील, त्यांना लाभांशाचा लाभ मिळणार आहे.

याच वर्षी दिलाय २०० रुपयांचा डिविडंड

या वर्षी आतापर्यंत कंपनीनं २०० रुपयांचा लाभांश दिला आहे. १४ फेब्रुवारी २०२४ रोजी कंपनीनं १५० रुपयांचा विशेष लाभांश आणि ५० रुपये प्रति शेअर अंतरिम लाभांश दिला. कंपनीनं २९ मे २००१ रोजी पहिल्यांदा डिविडंड जाहीर केला होता. त्यावेळी कंपनीनं प्रति शेअर ३.५ रुपये लाभांश दिला.

हेही वाचा: जनधन योजनेतील साडेदहा कोटी खातेदारांना पुन्हा केवायसी करावी लागणार! तुम्ही सुद्धा यात नाही ना? पाहा

शेअर बाजारात कंपनीची कामगिरी कशी आहे?

गेल्या आठवडाभरात प्रॉक्टर अँड गॅम्बल हेल्थ लिमिटेडच्या शेअरमध्ये जवळपास १० टक्क्यांची घसरण झाली आहे. तर शेअरच्या किंमतीत महिन्याभरात १.४८ टक्क्यांची घसरण झाली आहे. वर्षभरात हा डिव्हिडंड शेअर केवळ ०.६१ टक्के परतावा देऊ शकला आहे. कंपनीचा ५२ आठवड्यांचा उच्चांक ५८३५.९५ रुपये आणि कंपनीचा ५२ आठवड्यांचा नीचांकी स्तर ४६४०.३० रुपये आहे. बीएसईमध्ये कंपनीचे मार्केट कॅप ८५३८.६४ कोटी रुपये आहे.

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)