Dividend Stock : एका शेअरवर ११० रुपये कमावण्याची संधी; दिग्गज कंपनीनं जाहीर केला लाभांश, किती आहे शेअरचा भाव?

प्रॉक्टर अँड गॅम्बल हायजीन अँड हेल्थ केअरनं स्टॉक एक्स्चेंजला या संदर्भात माहिती दिली आहे. त्यानुसार, कंपनीच्या संचालक मंडळाच्या आज झालेल्या बैठकीत इतर गोष्टींबरोबरच आर्थिक वर्ष २०२४-२५ साठी प्रति इक्विटी शेअर ११० रुपये अंतरिम लाभांश (प्रत्येकी १० रुपये अंकित मूल्य) जाहीर केला आहे. लाभांश ७ मार्च २०२५ पर्यंत दिला जाईल.

हेही वाचा: पाच दिवसांत सेन्सेक्स २,५०० अंकांनी गडगडला! काय आहेत या घसरणीमागची ५ कारणं? वाचा!

तिमाही निकालांचा तपशील

३१ डिसेंबर २०२४ रोजी संपलेल्या दुसऱ्या तिमाहीत कंपनीचा नफा १८ टक्क्यांनी वाढून ३६४ कोटी रुपये झाला आहे. मागील आर्थिक वर्षाच्या याच तिमाहीत प्रॉक्टर अँड गॅम्बल हायजीन अँड हेल्थकेअरला ३०८.५ कोटी रुपयांचा नफा झाला होता. कंपनीचं कामकाजातून मिळणारं उत्पन्न १०.३ टक्क्यांनी वाढून १,२४७.६ कोटी रुपये झालं आहे. गेल्या आर्थिक वर्षाच्या याच कालावधीत ते १,१३१ कोटी रुपये होतं. ऑपरेशनल लेव्हलवर, एबिटडा चालू आर्थिक वर्षाच्या तिसऱ्या तिमाहीत ३९ टक्क्यांनी वाढून ३७१ कोटी झाला आहे. मागील आर्थिक वर्षाच्या याच कालावधीत तो ६०७.७ कोटी रुपये होता. 

हेही वाचा: नायका कंपनीचा शेअर खरेदी करावा की नाही? तिमाही निकालानंतर तज्ञांनी काय दिला सल्ला?

कशी आहे शेअरची वाटचाल?

प्रॉक्टर अँड गॅम्बल हायजीन अँड हेल्थकेअरचा शेअर आज १.४१ टक्क्यांनी घसरून ५२५५ रुपयांवर बंद झाला. मागील वर्षभरात शेअरनं गुंतवणूकदारांची निराशा केली आहे. तर, मागच्या पाच वर्षांत हा शेअर केवळ २२.२८ टक्क्यांनी वाढला आहे. 

(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)