या कंपनीच्या आयपीओनं केली गुंतवणूकदारांची निराशा; पहिल्याच दिवशी विक्रीचा सपाटा

पॉप्युलर फाऊंडेशनचा आयपीओ १३ सप्टेंबर रोजी गुंतवणूकदारांसाठी खुला झाला. गुंतवणूकदारांकडे कंपनीच्या आयपीओवर सट्टा लावण्यासाठी १९ सप्टेंबरपर्यंत मुदत होती. कंपनीने आयपीओसाठी ३७ रुपयांचा प्राइस बँड निश्चित केला होता. या आयपीओचा लॉट साइज 3000 शेअर्सचा होता. त्यामुळे गुंतवणूकदारांना किमान १ लाख ११ हजार रुपयांचा सट्टा लावावा लागला.

आयपीओचा आकार १९.८७ कोटी रुपये

होता पॉप्युलर फाऊंडेशनच्या आयपीओचा इश्यू साइज १९.८७ कोटी रुपये निश्चित करण्यात आला होता. कंपनीने इश्यूच्या माध्यमातून ५३.७० लाख नवीन शेअर्स जारी केले आहेत.

हा आयपीओ गुंतवणूकदारांसाठी ५ दिवस खुला होता. पहिल्याच दिवशी आयपीओ फुल झाला होता. १३ सप्टेंबर रोजी १.१९ पट सब्सक्रिप्शन, दुसऱ्या दिवशी ३.२७ पट सब्सक्रिप्शन, ५.०६ पट सब्सक्रिप्शन, चौथ्या दिवशी ७.२५ पट सब्सक्रिप्शन आणि पाचव्या दिवशी ९.२१ पट सब्सक्रिप्शन मिळाले.

कंपनीची स्थापना १९९८ मध्ये झाली. ही कंपनी लोकांना अभियांत्रिकी आणि बांधकामाशी संबंधित सेवा पुरवते. अनिवासी आणि अशासकीय प्रकल्पांवर कंपनीचा भर आहे. कंपनीचे मुख्य काम चेन्नईयेथे आहे. पण बेंगळुरूसह अन्य काही शहरांमध्येही कंपनी यशस्वीपणे काम करत आहे.

(हा गुंतवणुकीचा सल्ला नाही. शेअर बाजार जोखमीच्या अधीन आहे. कोणतीही गुंतवणूक करण्यापूर्वी तज्ज्ञांचा सल्ला घ्या. )