भाषा निवडा

विभाग

मराठी बातम्या / बिझनेस / पीएम किसान योजनेचे पैसे आले नाहीत? काळजी करू नका! फक्त एवढं काम करा!

पीएम किसान योजनेचे पैसे आले नाहीत? काळजी करू नका! फक्त एवढं काम करा!

Ganesh Pandurang Kadam HT Marathi

Published Oct 05, 2024 06:27 PM IST

PM Kisan Yojana 18th installment : पंतप्रधान किसान सन्मान निधीचा १८ वा हप्ता आज शेतकऱ्यांच्या बँक खात्यात जमा करण्यात आला आहे. तुमच्या खात्यावर पैसे आले नसतील तर ही बातमी वाचा!

पीएम किसान योजनेचे पैसे आले नाहीत? काळजी करू नका! 'या' हेल्पलाइनवर संपर्क करा

PM Kisan Yojana 18th installment : पीएम किसान सन्मान निधीचा १८ वा हप्ता आज देशातील कोट्यवधी शेतकऱ्यांच्या खात्यात जमा करण्यात आला आहे. तुमच्या खात्यात PM किसानचे पैसे आले नसतील तर काळजी करू नका. तुम्ही केंद्र सरकारनं उपलब्ध करून दिलेल्या हेल्पलाइन क्रमांकावर संपर्क साधून याबाबत माहिती करून घेऊ शकता.

तुमचे बँक खाते आधारशी लिंक केलेले नसेल तर तुम्हाला पीएम किसान सन्मान निधीचा लाभ मिळणार नाही. तसंच, जर तुम्ही तुमच्या बँक खात्याचे KYC केले नसेल, तर PM सम्मान निधीचे पैसे तुमच्या खात्यात येणार नाहीत. बँक खाते केवायसी आणि बँक खाते आधारशी लिंक केल्यानंतर, पुढील हप्ता तुमच्या खात्यात नक्कीच येईल. याशिवाय हप्ता न मिळाल्यास खाली दिलेल्या क्रमांकावर संपर्क करून माहिती मिळवू शकता.

माहितीसाठी येथे संपर्क साधा

पीएम किसानशी संबंधित कोणत्याही माहितीसाठी तुम्ही टोल फ्री हेल्पलाइन क्रमांक 011-23381092 वर संपर्क साधू शकता. याशिवाय, तुम्ही अधिकृत ईमेल आयडी pm kisan -ict@gov.in वर देखील संपर्क साधू शकता. इथं तुमच्या तक्रारीची दखल घेऊन त्यावर मार्ग काढला जाईल.

हेही वाचा: दावोस दौऱ्याचं १.५८ कोटींचं बिल थकवलं! शिंदे-फडणवीस सरकारला स्वीस कंपनीची नोटीस