Petrol Diesel price 15 August 2023 : स्वातंत्र्यदिनी महाराष्ट्रात दरवाढ, पाहा आजचे पेट्रोल डिझलचे दर

Petrol Diesel price today 15 August 2023 : आंतरराष्ट्रीय बाजारात कच्च्या तेलाचे दर आज जवळपास स्थिर राहिले आहेत. डब्ल्यूटीआय क्रूड ०.१० डाॅलर्सने घसरले आणि प्रति बॅरल  ८२.४१ डाॅलर्सवर विकले जात आहे. त्याच वेळी, ब्रेंट क्रूड ०.०६ डाॅलर्सने घसरून ८६.१४ डाॅलर्स प्रति बॅरलवर व्यवहार करत आहे. देशातील तेल विपणन कंपन्यांनी पेट्रोल आणि डिझेलचे नवीनतम दर जाहीर केले आहेत. भारतात दररोज सकाळी ६ वाजता इंधनाच्या किमती अपडेट केल्या जातात. जून २०१७ पूर्वी दर १५दिवसांनी किमतीत बदल केला जात होता.

गुजरातमध्ये पेट्रोल ६३ पैसे तर डिझेल ६४ पैशांनी महागले आहे. महाराष्ट्रात पेट्रोल ८९ पैशांनी तर डिझेल ८६ पैशांनी वाढले आहे. उत्तर प्रदेश आणि हरियाणामध्येही पेट्रोल आणि डिझेलच्या दरात किंचित वाढ झाली आहे. दुसरीकडे पश्चिम बंगालमध्ये पेट्रोल ४४ पैशांनी तर डिझेल ४१ पैशांनी स्वस्त झाले आहे. राजस्थानमध्ये पेट्रोल ३४ पैशांनी तर डिझेल ३१ पैशांनी स्वस्त झालं आहे. मध्य प्रदेश आणि तेलंगणामध्येही भाव कमी झाले आहेत.

प्रमुख महानगरांतील किंमती

दिल्लीत पेट्रोल-डिझेल ९६.७२ रुपये आणि ८९.६२ रुपये प्रति लीटर दराने विकले जात आहे. तर मुंबईत पेट्रोल १०६.३१ रुपये तर डिझेल ९४.२७ रुपये दराने विकले जात आहे. कोलकातामध्ये पेट्रोल १०६.०३ रुपये प्रति लीटर आणि डिझेल ९२.७६ रुपये प्रति लिटर दराने विकले जात आहे.

तुमच्या शहरातील दर SMS वर

पेट्रोल आणि डिझेलची किंमत एसएमएसद्वारेही कळू शकते. इंडियन ऑइलच्या वेबसाइटवर जाऊन तुम्हाला RSP आणि तुमचा शहर कोड लिहावा लागेल आणि तो ९२२४९९२२४९ या क्रमांकावर पाठवावा लागेल. प्रत्येक शहराचा कोड वेगळा आहे, जो तुम्हाला IOCL च्या वेबसाइटवरून मिळेल.