चिमुकले शेअर झाले तेजीच्या लाटेवर स्वार; हा शेअर खरेदी करण्यासाठी उडाली झुंबड

युनिशायर अर्बन इन्फ्राच्या शेअरहोल्डिंग पॅटर्नबद्दल बोलायचे झाले तर प्रवर्तकांकडे ९.३६ टक्के हिस्सा आहे. तर, सार्वजनिक भागधारकांकडे कंपनीचे ९०.६४ टक्के समभाग आहेत. कंपनीचे प्रवर्तक विनय कीर्ती मेहता, प्रतीक कीर्ती मेहता, कीर्ती कांतीलाल मेहता आणि नूतन कीर्ती मेहता यांचा समावेश आहे. या प्रवर्तकांकडे २२,८०,००० समभाग आहेत.

युनिशायर अर्बन इन्फ्राच्या व्यवस्थापनात नुकताच बदल झाला आहे. कंपनीने अतिरिक्त संचालकाची नियुक्ती केली आहे. विजय तुळशीराम कोते यांची अतिरिक्त अकार्यकारी संचालक पदी नियुक्ती करण्यात आली आहे. उज्ज्वला विजय कोते यांची अतिरिक्त बिगर कार्यकारी संचालक पदी नियुक्ती करण्यात आली आहे.

शेअर बाजारात गुरुवारी ऐतिहासिक तेजी पाहायला मिळाली. बीएसईचा 30 शेअर्सचा निर्देशांक 236.57 अंकांनी वधारून 83,184.80 अंकांवर बंद झाला. दिवसभरात निर्देशांक 825.38 अंकांनी वधारून 83,773.61 अंकांवर पोहोचला. राष्ट्रीय शेअर बाजाराचा निफ्टी 38.25 अंकांनी वधारून 24,415.80 अंकांवर बंद झाला. दिवसभरात तो 234.4 अंकांनी म्हणजेच 0.92 टक्क्यांनी वधारून 25,611.95 अंकांवर पोहोचला.