Multibagger Stock : डोंगराएवढा नफा! १० पैशाच्या शेअरनं चार वर्षांत १ लाख रुपयांचे २ कोटी करून दिले!

कंपनीच्या शेअरमध्ये आजही जवळपास २ टक्क्यांची वाढ झाली आणि हा शेअर २४.६९ रुपयांच्या उच्चांकी पातळीवर पोहोचला. गेल्या चार वर्षांत राज रेयॉनच्या शेअरची किंमत अनेक पटींनी वाढली आहे. चार वर्षांत या शेअरनं २४,४७० टक्के परतावा दिला आहे.

चार वर्षांत मजबूत परतावा 

१० ऑगस्ट २०२० रोजी या शेअरची किंमत १० पैसे होती आणि आजच्या तारखेला हा शेअर २४.५७ रुपयांवर पोहोचला आहे. म्हणजेच एखाद्या गुंतवणूकदारानं चार वर्षांपूर्वी या शेअरमध्ये एक लाख रुपयांची गुंतवणूक केली असती तर ती रक्कम आज दोन कोटी रुपयांपेक्षा जास्त झाली असती.

या वर्षांत ४७ टक्क्यांनी कोसळलाय शेअर

राज रेयॉनच्या शेअरनं अल्पावधीत गुंतवणूकदारांची निराशा केली आहे. गेल्या वर्षभरात या शेअरमध्ये सुमारे ४७ टक्के घसरण झाली आहे. मात्र, आठपैकी चार महिन्यांत तोटा सहन करूनही २०२४ मध्ये आतापर्यंत २८ टक्क्यांहून अधिक वाढ झाली आहे. जुलै महिन्यात ९ टक्क्यांहून अधिक वधारलेल्या शेअर्ससाठी ऑगस्ट महिना मजबूत होता. मात्र, त्याआधी जूनमध्ये हा चिमुकला शेअर (Penny Stock) ३ टक्क्यांनी तर मे महिन्यात ८ टक्क्यांनी घसरला होता. एप्रिल महिन्यात हा शेअर तब्बल ६ टक्क्यांनी वाढला होता. मार्चमधील १९ टक्क्यांपेक्षा जास्त घसरणीनंतर ही वाढ झाली होती. याआधी जानेवारीत ४.४ टक्क्यांनी घसरलेल्या या शेअरमध्ये फेब्रुवारीमध्ये ४८ टक्क्यांहून अधिक वाढ झाली होती.

हेही वाचा: आयटी कंपन्यांच्या स्टॉक्समध्ये प्रचंड तेजी, शेअर बाजाराचा माहौलच बदलला!

या मल्टीबॅगर शेअरनं गेल्या वर्षी ऑगस्टमध्ये ५२ आठवड्यांच्या उच्चांकी पातळी गाठली होती. हा उच्चांक ४५ रुपयांचा होता. हा शेअर सध्या २४ रुपयांवर ट्रेड करत आहे. ही किंमत उच्चांकी पातळीपासून ४६ टक्क्यांनी कमी आहे. परंतु या वर्षीच्या जानेवारीतील ५२ आठवड्यांच्या नीचांकी पातळीपासून, म्हणजेच १५.०५ रुपयांवरून तो ६० टक्क्यांनी सावरला आहे.

(डिस्क्लेमर : हे वृत्त केवळ माहितीपर आहे. हा कोणत्याही प्रकारचा गुंतवणुकीचा सल्ला नाही. शेअर बाजारातील गुंतवणुकीत जोखीम असते. गुंतवणूक करण्यापूर्वी आपल्या सल्लागाराचा सल्ला घ्या.)