Penny Stock : ‘या’ चिमुकल्या स्टॉकनं गुंतवणूकदारांना करोडपती बनवून टाकलं! तुम्हाला माहीत आहे का ही कंपनी?

एकेकाळी या शेअरची किंमत फक्त ४.३४ रुपये होती. गेल्या वर्षभरात त्यात तब्बल १५,७०० टक्के वाढ झाली आहे. आजच्या घडीला प्रवेगच्या शेअर्सची किंमत ७३० रुपयांवर पोहोचली आहे. त्यामुळं पाच वर्षांपूर्वी १ लाख रुपयांची गुंतवणूक करणाऱ्या गुंतवणूकदारांचा परतावा १.६८ कोटी रुपयांवर पोहोचला आहे.

२०२४ हे चढ-उतारांनी भरलेलं वर्ष 

गेल्या महिनाभरात प्रवेग कंपनीच्या शेअरच्या किमतीत शून्य टक्क्यांची वाढ झाली आहे. तर ज्या गुंतवणूकदारांनी ६ महिने कंपनीचे शेअर्स ठेवले आहेत, त्यांना १६ टक्के फायदा झाला आहे. मात्र, २०२४ मध्ये कंपनीच्या शेअरच्या किमती तब्बल ८ टक्क्यांनी घसरल्या आहेत. गेल्या वर्षभरात या शेअरनं केवळ ६ टक्के परतावा दिला आहे.

हेही वाचा: एका शेअरवर एक शेअर मोफत देणार कंपनी, तुमच्याकडं आहे का शेअर? लगेच चेक करा!

पाच वर्षांत दणदणीत परतावा

तीन वर्षांपूर्वी प्रवेगच्या शेअरच्या किमतीत सव्वापाच पटीनं वाढ झाली होती. त्यावेळी कंपनीच्या शेअर्सची किंमत १३९ रुपये होती. तर, ५ वर्षांत या स्मॉलकॅप शेअरनं १५,७०० टक्के परतावा दिला आहे. कंपनी सातत्यानं गुंतवणूकदारांना लाभांश देत आहे. २०२१ पासून कंपनीनं दरवर्षी गुंतवणूकदारांना लाभांश दिला आहे. २०२० मध्ये कंपनीनं प्रति शेअर १ रुपये लाभांश दिला होता. कंपनीचा ५२ आठवड्यांचा उच्चांक १३० रुपये आणि ५२ आठवड्यांचा नीचांकी स्तर ६३७.१० रुपये आहे. कंपनीचं मार्केट कॅप १८७७.६५ कोटी रुपये आहे.

हेही वाचा : बेंगळुरूमध्ये फक्त सँडविच विकून फ्रेंच माणसाने ५० कोटी कमावले! जाणून घ्या कसे?

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)