रोज १४,००० रुपयांनी वाढतोय 'हा' शेअर; तुम्हीही घेण्याचा विचार करत असाल तर आधी भाव बघा!

एल्सिडच्या शेअर्सनी ७ दिवसांत गुंतवणूकदारांचे नशीब बदलले आहे. गुरुवारी बीएसईवर एल्सिड इन्व्हेस्टमेंटचा शेअर ५ टक्क्यांनी वधारून ३,१६,५९७.४५ रुपयांवर पोहोचला. अवघ्या ७ दिवसात कंपनीचे शेअर्स ३.५३ रुपयांवरून ३००००० रुपयांपर्यंत वाढले आहेत. गेल्या ५ दिवसांत कंपनीच्या शेअर्समध्ये १५ टक्क्यांहून अधिक वाढ झाली आहे. या काळात कंपनीच्या शेअर्समध्ये ४३ हजार रुपयांहून अधिक वाढ झाली आहे.

एकाच दिवसात ३.५३ रुपयांवरून २.३६ लाख रुपयांपर्यंत वाढलेल्या एल्सिड इन्व्हेस्टमेंटचे शेअर्स गेल्या आठवड्यापासून चर्चेत आहेत. २९ ऑक्टोबर रोजी एकाच दिवसात कंपनीचा शेअर ३.५३ रुपयांवरून २,३६,२५० रुपयांवर पोहोचला. हा भारतीय बाजारातील सर्वात महागडा शेअर ठरला आहे. बीएसई आणि एनएसईने घेतलेल्या विशेष कॉल लिलावामुळे अल्सिड इन्व्हेस्टमेंट्सच्या शेअर्समध्ये ही वाढ झाली आहे. इन्व्हेस्टमेंट होल्डिंग कंपन्यांच्या किमती शोधण्यासाठी हा खास कॉल लिलाव आयोजित करण्यात आला होता.

५ दिवसांत शेअरमध्ये ४३००० रुपयांपेक्षा जास्त वाढ

एल्सिड इन्व्हेस्टमेंट्सच्या शेअर्समध्ये गेल्या ५ दिवसांत प्रचंड वाढ झाली आहे. ५ दिवसांत कंपनीच्या शेअरमध्ये १५ टक्क्यांहून अधिक वाढ झाली आहे. या कालावधीत एल्सिड इन्व्हेस्टमेंटचे समभाग ४३,१०८ रुपयांनी वधारले आहेत. कंपनीच्या शेअर्सचा ५२ आठवड्यांचा उच्चांक ३,१६,५९७.४४ रुपये आहे. तर, कंपनीच्या शेअर्सची ५२ आठवड्यांची नीचांकी पातळी ३.३७ रुपये आहे.

कंपनीत फक्त तीन कर्मचारी

एशियन पेंट्समध्ये एल्सिड इन्व्हेस्टमेंट्सचा २.९५ टक्के हिस्सा असून, बुधवारच्या बंदपर्यंत त्याचे मूल्य ८,२०० कोटी रुपये आहे. तर अल्सिड इन्व्हेस्टमेंटचे मार्केट कॅप ६३३० कोटी रुपयांच्या पुढे गेले आहे. व्यवस्थापकीय संचालक वगळता कंपनीत केवळ तीन कायमस्वरूपी कर्मचारी आहेत. आर्थिक वर्ष २०२४ मध्ये एल्सिड इन्व्हेस्टमेंट्सचा निव्वळ नफा १३९ टक्क्यांनी वाढून १७६ कोटी रुपये झाला आहे.

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)