Penny Stock : रॉकेटच्या वेगानं वाढतोय या चिमुकल्या शेअरचा भाव, खरेदीसाठी नुसती झुंबड

शुक्रवारी बाजार उघडला तेव्हा हा शेअर ५५ रुपयांच्या पातळीवर पोहोचला. हा ५२ आठवड्यांतील उच्चांक आहे. तर, या शेअरचा ५२ आठवड्यांचा नीचांक १९.५१ रुपये आहे. मागील वर्षीच्या ऑगस्ट महिन्यात हा शेअर १९.५१ रुपयांवर होता.

कोणाकडे किती शेअर?

थ्रीपी लँड होल्डिंग्स कंपनीत प्रवर्तकांचा हिस्सा ७३.३० टक्के आहे. तर, सर्वसाधारण भागधारकांकडे कंपनीचे २६.७० टक्के शेअर आहेत. प्रवर्तकांमध्ये अरुणकुमार महावीरप्रसाद जटिया आणि यशवर्धन जटिया यांचा समावेश आहे. त्यांच्याकडं ९,२९,१०० शेअर्स आहेत. त्याशिवाय, प्रवर्तकांमध्ये सुमा कमर्शियल प्रायव्हेट लिमिटेड, एएमजे लँड होल्डिंग्स लिमिटेड, फुजीसन टेक्नॉलॉजीज लिमिटेड, ठाकर अँड कंपनी लिमिटेड, केम मॅक प्रायव्हेट लिमिटेड यांचा समावेश आहे.

कसा दिला परतावा?

थ्रीपी लँड होल्डिंग्सचा एक आठवड्याचा परतावा ३७ टक्के आहे. तर, एक महिन्याचा परतावाही सुमारे ३५ टक्के आणि तीन महिन्यांचा परतावा ७७ टक्के आहे. वार्षिक आधारावर हा परतावा ९० टक्के आहे. एका वर्षाचा परतावा १५० टक्क्यांहून जास्त आहे.

हेही वाचा: सुझलॉन एनर्जीचा नवा विक्रम, 'या' खास यादीत मिळवलं स्थान, शेअरची घोडदौड सुरूच

काय करते ही कंपनी?

3 पी लँड होल्डिंग्स लिमिटेडची स्थापना १९६५ मध्ये झाली होती. ही कंपनी कर्ज, गुंतवणूक उपक्रम आणि रिअल इस्टेट लीजिंगच्या व्यवसायात गुंतलेली आहे. रिअल इस्टेटच्या भाडेपट्ट्यातून कंपनीला उत्पन्न मिळते. निव्वळ नफा ४६ टक्क्यांनी वाढून ०.३८ कोटी रुपये आणि निव्वळ नफा ९० टक्क्यांनी वाढून ०.८९ कोटी रुपये झाला आहे. आर्थिक वर्ष २०२३ च्या तुलनेत आर्थिक वर्ष २०२४ मध्ये विक्री ४१ टक्क्यांनी वाढून ३.५६ कोटी रुपये आणि नफा १८ टक्क्यांनी वाढून १.८१ कोटी रुपये झाला आहे.

(डिस्क्लेमर: हे वृत्त माहितीपर आहे. हा कोणत्याही प्रकारचा गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं गुंतवणुकीचा कोणताही निर्णय घेण्याआधी आपल्या आर्थिक सल्लागाराशी चर्चा करावी.)