पेटीएमचा शेअर पुन्हा 700 रुपयांच्या पुढे, 4 महिन्यांपासून सलग खरेदी, गुंतवणूकदार उत्साहात

आज पेटीएमचा शेअर 664.55 रुपयांच्या पातळीवर उघडला, जो मंगळवारच्या बंदच्या तुलनेत किरकोळ वाढ आहे. पण थोड्याच वेळात कंपनीचा शेअर ५.८४ टक्क्यांनी वधारून ७०३.३५ रुपयांवर पोहोचला. मात्र, यानंतर पेटीएमच्या शेअरमध्ये नरमाई दिसून आली. ज्यामुळे दुपारी १२ वाजता हा शेअर पुन्हा एकदा ६८५ रुपयांच्या आसपास व्यवहार करत होता.

पेटीएमच्या शेअरमध्ये

सातत्याने सुधारणा दिसून येत आहे. कंपनीच्या शेअरची किंमत एका वेळी ३१० रुपयांच्या नीचांकी पातळीवर पोहोचली होती. पण त्यानंतर कंपनीच्या शेअर्सनी मागे वळून पाहिलं नाही. त्यानंतर पेटीएमच्या शेअरच्या किंमतीत १२० टक्क्यांपर्यंत वाढ झाली आहे. गेल्या 4 महिन्यांपासून पेटीएमच्या शेअरमध्ये दुहेरी आकडी वाढ झाली आहे. सप्टेंबर महिनाही गुंतवणूकदारांसाठी चांगला राहिला आहे.

फेब्रुवारी ते मे या कालावधीत सलग चार महिने पेटीएमच्या शेअर्सच्या किंमतीत घसरण सुरूच होती. पण त्यानंतर पेटीएमच्या शेअर्सची तेजी गुंतवणूकदारांसाठी खूप वाढली आहे. पेटीएमच्या शेअरच्या किंमतीत जून महिन्यात ११.४० टक्के, जुलै महिन्यात २३ टक्के आणि ऑगस्ट महिन्यात २६ टक्के वाढ झाली आहे. सप्टेंबर महिन्याबद्दल बोलायचे झाले तर पेटीएमच्या शेअर्सच्या किंमतीत 10 टक्क्यांनी वाढ झाली आहे. पेटीएमच्या शेअर्समध्ये घसरण होण्यामागे रिझर्व्ह बँकेचा निर्णय कारणीभूत होता. आरबीआयने पेटीएम पेमेंट्स बँकेवर कठोर कारवाई केली.

(हा गुंतवणुकीचा सल्ला नाही. शेअर बाजार जोखमीच्या अधीन आहे. कोणतीही गुंतवणूक करण्यापूर्वी तज्ज्ञांचा सल्ला घ्या. )