stock market updates : एका दिवसात कंपनीच्या शेअरमध्ये तब्बल १२ टक्क्यांची वाढ, तुम्ही केलीय का गुंतवणूक?

मंगळवारच्या बंदच्या तुलनेत बुधवारी कंपनीचा शेअर ७७ रुपयांवर उघडला. हा शेअर दिवसभरात ११.८९ टक्क्यांनी वधारून ८१.५४ रुपयांवर पोहोचला आहे. हा दिवसभरातील उच्चांक आहे. हा उच्चांक गाठल्यानंतर कंपनीच्या शेअर्समध्येही काही प्रमाणात घसरण दिसून आली. पॅरामाउंट कम्युनिकेशन्सच्या शेअरचा ५२ आठवड्यांतील उच्चांक ११६.७० रुपये आणि ५२ आठवड्यांचा नीचांक ४७ रुपये प्रति शेअर आहे.

कंपनीचे तिमाही निकाल किती मजबूत?

गेल्या आर्थिक वर्षाच्या चौथ्या तिमाहीत कंपनीच्या विक्रीत वार्षिक आधारावर ५६.३० टक्के वाढ झाली होती. जानेवारी ते मार्च २०२४ या कालावधीत कंपनीचा नफा ११३.७० कोटी रुपये होता. गेल्या वर्षी याच तिमाहीत कंपनीला २९.४९ कोटी रुपयांचा निव्वळ नफा झाला होता.

काय करते ही कंपनी?

पॅरामाउंट कम्युनिकेशन्स लिमिटेड केबल आणि वायर तयार करते. यामध्ये पॉवर केबल, टेलिकॉम केबल, रेल्वे केबल आणि स्पेशलाइज्ड केबलचा समावेश आहे. सेल, इंडिया हेवी इलेक्ट्रिकल लिमिटेड, पॉवर ग्रिड कॉर्पोरेशन, बीएसएनएल, टाटा स्टील, भारतीय रेल्वे हे पॅरामाउंट कम्युनिकेशन्सचे ग्राहक आहेत.

हेही वाचा: ३१ पैशाच्या शेअरनं केलं मालामाल; १ लाखाचे झाले २३ लाख! आताचा भाव माहीत आहे का?

कंपनीकडे ग्राहकांची रांग

कंपनीकडं ४९५ कोटी रुपयांच्या ऑर्डर आहेत. मात्र कंपनीवर ८६.२५ कोटी रुपयांचे कर्ज आहे. चालू आर्थिक वर्षात कंपनी पूर्णपणे कर्जमुक्त होईल अशी अपेक्षा आहे. पॅरामाउंट कम्युनिकेशन्सचं बाजारमूल्य २.४१ हजार कोटी आहे. मागील ५ वर्षांत कंपनीनं गुंतवणूकदारांना ७०० टक्क्यांहून अधिक परतावा दिला आहे. तर, मागील वर्षात ६६ टक्के परतावा दिला आहे.

(डिस्क्लेमर: हे वृत्त माहितीपर आहे. हा कोणत्याही प्रकारचा गुंतवणुकीचा सल्ला नाही. शेअर बाजारातील गुंतवणुकीत जोखीम असते. त्यामुळं गुंतवणुकीचा कोणताही निर्णय घेण्याआधी आपल्या आर्थिक सल्लागाराशी चर्चा करावी.)