Smartphones Under 15000: १५ हजारांत दमदार फीचर्स असलेला फोन हवाय? जाणून घ्या 'या' दोन फोनबद्दल!
Oppo K12x 5G vs Poco M6 Plus 5G: ओप्पो के १२एक्स 5G आणि पोको एम६ प्लस 5G हे दोन्ही स्मार्टफोन नुकतेच भारतीय बाजारात लॉन्च झाले. या दोन्ही स्मार्टफोनची किंमत १५ हजारांपेक्षा कमी असून दोन्ही स्मार्टफोनमध्ये तगड्या फीचर्सचा समवेश करण्यात आला आहे
Budget Smartphones : १५ हजार रुपयांपेक्षा कमी किंमतीच्या स्मार्टफोनच्या शोधात असलेल्या ग्राहकांसाठी आनंदाची बातमी आहे. नुकतेच ओप्पो आणि पोको कंपनीने त्यांचे दोन नवीन स्मार्टफोन ओप्पो के १२एक्स 5G आणि पोको एम ६ प्लस 5G लॉन्च केले. या दोन्ही स्मार्टफोनमध्ये उत्तम असे फीचर्स मिळत आहेत. या दोन्ही स्मार्टफोनमध्ये मिळणाऱ्या फीचर्सबद्दल जाणून घेऊयात.
डिस्प्ले:
ओप्पो के १२ एक्स 5G मध्ये १२० हर्ट्झ रिफ्रेश रेट आणि १००० निट्स पीक ब्राइटनेससह ६.६७ इंचाचा एचडी + एलसीडी डिस्प्ले आहे. यात ड्युअल-प्रबलित पांडा ग्लास प्रोटेक्शन देखील देण्यात आले आहे. तर, पोको एम ५ प्लस 5G मध्ये १२० हर्ट्झ अॅडॉप्टिव्हसिंक रिफ्रेश रेटसह ६.७९ इंचाचा एलसीडी एफएचडी+ डिस्प्ले देण्यात आला आहे.
कॅमेरा:
फोटोग्राफीच्या दृष्टीने ओप्पो के१२एक्स 5G मध्ये ड्युअल रियर कॅमेरा सेटअप देण्यात आला आहे ज्यात ३२ मेगापिक्सलचा एआय प्रायमरी सेन्सर आणि २ मेगापिक्सलचा सेकंडरी सेन्सर आहे. दुसरीकडे, पोको एम 6 प्लस 5G मध्ये सॅमसंग आयसोसेल एचएम ६ सेन्सरसह १०८ एमपी ड्युअल कॅमेरा सेटअप आहे. ओप्पो स्मार्टफोनमध्ये ८ मेगापिक्सलचा फ्रंट कॅमेरा आहे. तर, पोको फोनमध्ये १३ मेगापिक्सलचा सेल्फी कॅमेरा देण्यात आला आहे.
स्टोरेज:
ओप्पो के १२ एक्स 5G मध्ये मीडियाटेक डायमेंसिटी ६ हजार ३०० प्रोसेसरसह ८ जीबी रॅम आणि २५६ जीबी स्टोरेज आहे. दुसरीकडे, पोको एम ६ प्लस 5G क्वालकॉम स्नॅपड्रॅगन ४ जेन २ एई चिपसेटसह ८ जीबी रॅम आणि १२८ जीबी यूएफएस २.२ स्टोरेजसह सुसज्ज आहे.
बॅटरी:
ओप्पो के१२एक्स ५जी मध्ये ५ हजर १०० एमएएचची बॅटरी देण्यात आली आहे, जी ४५ वॅट सुपरवूक फ्लॅश चार्जिंगला सपोर्ट करते. पोको एम ६ प्लस 5G मध्ये ३३ वॅट फास्ट चार्जिंगसह ५ हजार ३० एमएएच चा सपोर्ट देण्यात आला आहे.
किंमत:
ओप्पो के १२ एक्स 5G ची किंमत ६ जीबी रॅम + १२८ जीबी स्टोरेजसाठी १२ हजार ९९९ रुपये आहे. तर, ८ जीबी रॅम + २५६ जीबी स्टोरेजसाठी १५ हजार ९९९ रुपये आहे. पोको एम ६ प्लस 5G ६ जीबी रॅम + १२८ जीबी आणि ८ जीबी रॅम + १२८ जीबी स्टोरेज व्हेरिएंटची किंमत अनुक्रमे १२ हजार ९९९ रुपये आणि १४ हजार ४९९९ रुपये आहे.