ONGC चा शेअर गडगडणार! तज्ज्ञांनी घटवले रेटिंग, काय आहेत कारणं? जाणून घ्या

एचएसबीसीने उत्पादनाचे प्रमाण घटणे, मोठ्या प्रकल्पांना होणारा विलंब आणि हरित ऊर्जा उद्योगांमधील भांडवली खर्चात वाढ यासह विविध आव्हानांचा उल्लेख केला. तेलाच्या किमतीतील अस्थिरतेसह या घटकांमुळे नजीकच्या काळात कंपनीसाठी सावध दृष्टीकोन निर्माण झाला आहे.

गेल्या वर्षभरात या शेअरमध्ये सुमारे ६० टक्के आणि २०२४ मध्ये ४४ टक्के वाढ झाली आहे. ऑगस्टमध्ये एक टक्का घसरणीनंतर सप्टेंबरमध्ये तेल आणि वायूच्या शेअर्समध्ये आतापर्यंत १० टक्क्यांहून अधिक घसरण झाली आहे. यापूर्वी जुलैमध्ये तो २२ टक्के होता आणि जूनमध्ये त्यात सुमारे ४ टक्के वाढ झाली होती. सलग चार महिन्यांच्या तेजीनंतर मे महिन्यात त्यात ६.५ टक्क्यांची घसरण झाली. एप्रिलमध्ये ५.५ टक्के, मार्चमध्ये १.३ टक्के, फेब्रुवारीत ४.५ टक्के आणि जानेवारीत २३.५ टक्के वाढ झाली. ऑगस्ट २०२४ मधील ३४४.६० रुपयांच्या उच्चांकी पातळीपासून हा शेअर १२ टक्क्यांहून अधिक दूर आहे. दरम्यान, गेल्या वर्षी ऑक्टोबरमध्ये ५२ आठवड्यांच्या नीचांकी १७९.८० रुपयांच्या तुलनेत तो ६८ टक्क्यांनी वधारला आहे.