OnePlus 13: भरमसाठ एआय फीचर्ससह वनप्लस १३ होतोय लॉन्च; फोनचे लँडिंग पेज अॅमेझॉनवर लाइव्ह!
OnePlus Launch Soon: वनप्लस 13 लवकरच भारतात लॉन्च होणार आहे. या फोनचे लँडिंग पेज ई-कॉमर्स वेबसाइट अॅमेझॉनवरही लाइव्ह झाले आहे.
OnePlus Upcoming Smartphones: वनप्लसचा पुढचा फ्लॅगशिप फोन वनप्लस १३ लवकरच भारतात लॉन्च होणार आहे. आता या फोनचे लँडिंग पेज ई-कॉमर्स वेबसाइट अॅमेझॉनवरही लाइव्ह झाले आहे. या पेजवर फोनमध्ये मिळणारी प्रमुख फीचर्सही सांगण्यात आली आहेत. अॅमेझॉन इंडियाच्या लँडिंग पेजवरून असे दिसून आले आहे की, वनप्लस १३ स्मार्टफोन अँड्रॉइड १५ आधारित ऑक्सिजनओएस १५ कस्टम स्किनसह प्री-इन्स्टॉल्ड येईल.
फोनमध्ये एआय फीचर्स मिळण्याची शक्यता
चांगल्या फिचर्ससाठी हा फोन अनेक एआय-रेडी फीचर्सने सुसज्ज असेल. लँडिंग पेजवरून असे दिसून येते की, या फोनमध्ये एआय डिटेल बूस्ट, एआय अनब्लर, एआय रिफ्लेक्शन इरेजर आणि एआय नोट्सचा समावेश असेल. याशिवाय, रिकल्पित अॅनिमेशन, सुपरव्हीओसी चार्जिंग, वॉलपेपर वंडरलँड, गॉसियन ब्लर आणि ईस्टर एग फीचरचा समावेश आहे. यात चोरीपासून संरक्षणासाठी सिक्युरिटी फीचर्सही देण्यात आले आहेत.
QR कोड स्कॅन करतांना रहा सावधान; नाही तर क्षणात होईल बँक खाते रिकामे, सायबर फसवणुकीचा नवा फंडा
येत्या १८ डिसेंबरला लॉन्च होण्याची शक्यता
वनप्लसने अद्याप आपल्या फ्लॅगशिप १३ डिव्हाइसला जागतिक बाजारात किंवा भारतात लॉन्च करण्याची तारीख जाहीर केलेली नाही. रिपोर्टनुसार, भारतात वनप्लस १३ स्मार्टफोनची पहिली बोनस ड्रॉप सेल १८ डिसेंबर २०२४ रोजी संध्याकाळी ६.३० वाजता होणार आहे, त्यानंतर दुसरा आणि तिसरा बोनस ड्रॉप सेल होणार आहे.
वनप्लस १३: स्टोरेज
वनप्लस १३ स्टोरेज ऑप्शन आणि कलर व्हेरियंट डिटेल्स रिपोर्टनुसार, वनप्लस १३ स्मार्टफोन भारतात १२ जीबी/२५६ जीबी आणि १६ जीबी/ ५१२ जीबी स्टोरेज पर्यायांसह ब्लॅक एक्लिप्स, मिडनाइट ओशन आणि आर्क्टिक डॉन या तीन पर्यायांमध्ये उपलब्ध होण्याची शक्यता आहे.
वनप्लस १३: स्पेसिफिकेशन्स
वनप्लस १३ मध्ये क्वालकॉम स्नॅपड्रॅगन ८ व्या जनरेशन एलिट चिपसेटसह येण्याची शक्यता आहे. फोनमध्ये ६००० एमएएच क्षमतेची बॅटरी देण्यात आली आहे. मागील बाजूस ट्रिपल कॅमेरा सेटअप आहे, सर्व कॅमेऱ्यांमध्ये हॅसेलब्लाड कॅमेरा सिस्टमसह ५० एमपी सेन्सर येतो. वनप्लस १३ मध्ये ५० मेगापिक्सल अल्ट्रा-वाइड कॅमेरा, ३ एक्स ऑप्टिकल झूम आणि ओआयएससह ५० एमपी टेलिफोटो लेन्स आहे. तर, सेल्फी आणि व्हिडिओ कॉलिंगसाठी या फोनमध्ये ३२ मेगापिक्सलचा फ्रंट कॅमेरा देण्यात आला आहे. फोनमध्ये ६.८२ इंचाचा एलटीपीओ एमोलेड डिस्प्ले असून ४५०० निट्स पीक ब्राइटनेस, ८०० निट्स टिपिकल ब्राइटनेस आणि १४४०/३१६८ पिक्सल रिझोल्यूशन सपोर्ट आहे.
संबंधित बातम्या