Amazon Sale: अ‍ॅमेझॉनवर वनप्लस ११ आर 5G फोन १३ हजारांनी स्वस्त, ऑफर मर्यादित कालावधीसाठी!

अ‍ॅमेझॉनवर सुरू असलेल्या ग्रेट इंडियन फेस्टिव्ह सेलमधून सेलमध्ये उपलब्ध ऑफर्सचा फायदा घेत ८ जीबी रॅम आणि १२८ जीबी स्टोरेज असलेला वनप्लस ११ आर ५ जी स्मार्टफोन २६ हजार ९९९ रुपयांच्या प्रभावी किंमतीत खरेदी करता येईल. ही ऑफर फोनच्या सिल्व्हर आणि ब्लॅक कलर व्हेरियंटवर उपलब्ध आहे.

हा फोन फेब्रुवारी २०२३ मध्ये ३९ हजार ९९९ रुपयांसह लॉन्च करण्यात आला होता. नवे मॉडेल आल्यानंतर त्याच्या किंमतीतही कपात करण्यात आली. हा फोन जुना असूनही या किंमतीत हा फोन एक उत्तम पर्याय ठरू शकतो. कारण फोनमध्ये हेवी स्पेसिफिकेशन्स मिळतात.

Lava Agni 3: एकाच फोनमध्ये दोन डिस्ले! लावा कंपनीचा मिड- रेंज स्मार्टफोन भारतात लॉन्च, जाणून घ्या किंमत

वनप्लस ११ आर 5G: डिस्प्ले

हा फोन ड्युअल सिम (नॅनो) सपोर्टसह येतो आणि यात ६.७४ इंचाचा फुल एचडी प्लस कर्व्ड एमोलेड डिस्प्ले आहे, ज्यात २७७२x१२४० पिक्सल रिझोल्यूशन, १२० हर्ट्झपर्यंत रिफ्रेश रेट आणि १४५० निट्सपर्यंत पीक ब्राइटनेस आहे. हा फोन स्नॅपड्रॅगन ८+ जेन १ 5G प्रोसेसरसह सुसज्ज आहे.

वनप्लस ११ आर 5G: कॅमेरा

फोटोग्राफीसाठी फोनमध्ये ५० मेगापिक्सलचा सोनी आयएमएक्स८९० प्रायमरी सेन्सर, ८ मेगापिक्सलचा अल्ट्रा-वाइड अँगल सेन्सर आणि २ मेगापिक्सलचा मॅक्रो कॅमेरा देण्यात आला आहे. सेल्फीसाठी फोनमध्ये १६ मेगापिक्सलचा कॅमेरा देण्यात आला आहे, जो डिस्प्लेच्या मध्यभागी पंच होल कटआऊटमध्ये बसवण्यात आला आहे. फोनचा रिअर कॅमेरा ३० एफपीएस (फ्रेम-पर-सेकंद) वर 4K गुणवत्तेचे व्हिडिओ रेकॉर्ड करू शकतो आणि त्याच्या ईआयएस (इलेक्ट्रॉनिक इमेज स्टेबिलायझेशन) आणि ओआयएस (ऑप्टिकल इमेज स्टॅबिलायझेशन) समर्थनामुळे शेक-फ्री व्हिडिओ रेकॉर्ड करू शकतो.

वनप्लस ११ आर 5G: बॅटरी

या फोनमध्ये टाइप-सी पोर्ट आणि १०० वॅट सुपरव्हीओसी फास्ट चार्जिंग सपोर्टसह ५००० एमएएच बॅटरी आहे. कंपनीचे म्हणणे आहे की, फोन १० मिनिटांच्या चार्जिंगमध्ये दिवसभर चालेल.