निसस फायनान्स सर्व्हिसेसची शेअर बाजारात दणक्यात एन्ट्री, पहिल्याच दिवशी गुंतवणूकदारांची चांदी

मुंबई स्थित निसस फायनान्स सर्व्हिसेसचा आयपीओ ४ ते ६ डिसेंबर दरम्यान लिलावासाठी खुला होता. हा आयपीओ १९२ पट सबस्क्राइब करण्यात आला. ११४.२४ कोटी आकाराच्या या एसएमई आयपीओसाठी १७० ते १८० रुपये प्रति शेअर असा दरपट्टा निश्चित करण्यात आला होता. १०१.६२ कोटी रुपयांची नवीन शेअर विक्री आणि ऑफर फॉर सेल (OFS) अंतर्गत १२.६१ कोटी रुपयांच्या ७,००,८०० शेअर्सची विक्री असं या आयपीओचं स्वरूप आहे.

हेही वाचा: ५ टक्के व्याज दराने ३ लाखांचे कर्ज, मोदी सरकारच्या ‘या’ योजनेचा लाखो लोकांनी घेतला फायदा

काय करते ही कंपनी?

निसस फायनान्स सर्व्हिसेस कॉर्पोरेट ग्राहकांना व्यवहार सल्ला आणि निधी व्यवस्थापनासह वित्तीय सेवा पुरवते. कंपनी दोन व्यवसाय विभागांद्वारे कार्य करते आणि सेबी-नोंदणीकृत एआयएफ अंतर्गत चार योजनांचे व्यवस्थापन करते. निसस फायनान्सचं उत्पन्न प्रामुख्यानं फंड मॅनेजमेंट फी, व्यवस्थापनाखालील मालमत्ता (एयूएम) मधून सुमारे १,००० कोटी रुपये येतं. आयएफएससी-गिफ्ट सिटी (गांधीनगर), डीआयएफसी-दुबई (यूएई) आणि एफएससी, मॉरिशस येथे फंड मॅनेजमेंट इन्फ्रास्ट्रक्चर वाढवण्यासाठी कंपनीने नवीन इश्यूमधून निव्वळ उत्पन्नाचा वापर करण्याचा प्रस्ताव ठेवला आहे.

हेही वाचा : सरकारी कंपनी आयटीआयच्या शेअरमध्ये तेजी कायम, आजही १० टक्क्यांपर्यंत उसळला शेअर

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)