हा शेअर तुमच्याकडं असेल तर तुमचे पैसे दुप्पट झाले असतील! लगेच चेक करा पोर्टफोलिओ

कंपनीचा आयपीओ ८ नोव्हेंबर २०२४ रोजी बोलीसाठी खुला होता आणि १२ नोव्हेंबरपर्यंत खुला होता. तर, कंपनीचे शेअर्स १८ नोव्हेंबर रोजी बाजारात सूचीबद्ध झाले होते. आयपीओमध्ये कंपनीच्या शेअरची किंमत २४ रुपये होती. त्या इश्यू प्राइसच्या तुलनेत कंपनीचे शेअर्स ११० टक्क्यांनी वधारले आहेत. 

आतापर्यंतचा उच्चांक किती?

नीलम लिनन्स अँड गारमेंट्सचा शेअर १८ नोव्हेंबर २०२४ रोजी कंपनीचा शेअर ६६.८७ टक्क्यांच्या प्रीमियमसह ४०.०५ रुपयांवर लिस्ट झाला. लिस्टिंगच्या दिवशी कंपनीचा शेअर ३८.०५ रुपयांवर बंद झाला. लिस्टिंग झाल्यापासून कंपनीच्या शेअर्समध्ये चांगली वाढ दिसून येत आहे. नीलम लिनन्स अँड गारमेंट्सचा शेअर २ डिसेंबर २०२४ रोजी ५१.५० रुपयांवर पोहोचला आहे. कंपनीच्या शेअर्सचा ५२ आठवड्यांचा उच्चांक ५३.३० रुपये आहे. तर, कंपनीच्या शेअर्सचा ५२ आठवड्यांचा नीचांकी स्तर ३६.१५ रुपये आहे.

हेही वाचा: संरक्षण मंत्रालयाकडून १००० कोटींची ऑर्डर मिळताच शिपिंग कंपनीचा शेअर थेट ५ टक्क्यांनी उसळला!

आयपीओ नीलम लाइन्स अँड गारमेंट्सचा आयपीओ एकूण ९१.९७ पट सब्सक्राइब झाला होता. कंपनीच्या आयपीओमध्ये किरकोळ गुंतवणूकदारांचा कोटा ५७.८२ पट सब्सक्राइब झाला होता. तर बिगर संस्थात्मक गुंतवणूकदार (एनआयआय) श्रेणीत २७३.४७ पट बोली लागली होती. तर क्वालिफाइड इन्स्टिट्यूशनल बायर्स (क्यूआयबी) श्रेणीत १५.४० पट सब्सक्राइब झाला होता. आयपीओमध्ये किरकोळ गुंतवणूकदारांना केवळ १ लॉटसाठी अर्ज करता आला. आयपीओच्या एका लॉटमध्ये ६००० शेअर्स होते. म्हणजेच रिटेल गुंतवणूकदारांना कंपनीच्या आयपीओमध्ये १,४४,००० रुपयांची गुंतवणूक करावी लागली.

काय करते ही कंपनी?

नीलम लिनन्स अँड गारमेंट्स या कंपनीचा व्यवसाय २०१० मध्ये सुरू झाला. कंपनी जगभरात उच्च दर्जाची सॉफ्ट होम फॅशन उत्पादनं बनवते आणि निर्यात करते. सफायर लिनन्स अँड गारमेंट्स बेडशीट, उशी कव्हर, ड्युवेट कव्हर, टॉवेल, रग, शर्ट आणि इतर कपड्यांसह विविध उत्पादनं ऑफर करते.

हेही वाचा: चार दिवसांत ६० टक्क्यांनी वाढला अदानी समूहातील 'या' कंपनीच्या शेअरचा भाव, तुमच्याकडं आहे का?

(डिस्क्लेमर: हे वृत्त केवळ माहितीपर आहे. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)