नीलम लिनन्स अँड गारमेंट्सची शेअर मार्केटमध्ये दणदणीत एन्ट्री! पाहा, किती रुपयांवर लिस्ट झाला शेअर

धडाकेबाज लिस्टिंगनंतर नीलम लिनन्स अँड गारमेंट्सचे शेअर्स नफा वसुलीला बळी पडले. त्यामुळं शेअरला ५ टक्क्यांचं लोअर सर्किट लागलं. हा शेअर ३८.०५ रुपयांच्या पातळीवर पोहोचला. एनएसईच्या आकडेवारीनुसार एकूण ४.२० लाख शेअर्सची विक्री झाली.

आयपीओ कधी आला?

नीलम लिनन्स अँड गारमेंट्स ८ नोव्हेंबर ते १२ नोव्हेंबर पर्यंत खुला होता. कंपनीने एकूण ६०० शेअर्स बनवले होते. त्यामुळे किरकोळ गुंतवणूकदारांना किमान १ लाख ४४ हजार रुपयांचा सट्टा लावावा लागला. शेअर्सचे वाटप १३ नोव्हेंबर २०२४ रोजी करण्यात आले.

नीलम लिनन्स अँड गारमेंट्सचा आयपीओ आकार १३ कोटी रुपये होता. कंपनीने आयपीओच्या माध्यमातून ५४.१८ लाख नवे शेअर्स जारी केले आहेत. हा इश्यू पूर्णपणे फ्रेश स्टॉकवर आधारित होता. कंपनीने अँकर गुंतवणूकदारांकडून ३.६९ कोटी रुपये उभे केले होते. अँकर गुंतवणूकदारांना देण्यात येणाऱ्या ५० टक्के समभागांचा लॉक-इन कालावधी ३० दिवसांचा असतो.

कंपनीच्या आयपीओला ३ दिवसात जवळपास १०० पट सब्सक्रिप्शन मिळाले. रिटेल कॅटेगरीमध्ये ५७.८२ पट, नॉन इन्स्टिट्यूशनल इन्व्हेस्टर्स कॅटेगरीमध्ये २७३ पट आणि क्वालिफाइड इन्स्टिट्यूशनल बायर्स कॅटेगरीमध्ये १५.४० पट आयपीओ सब्सक्राइब करण्यात आला.

(डिस्क्लेमर: हे वृत्त केवळ माहितीपर आहे. हा कोणत्याही प्रकारच्या गुंतवणुकीचा सल्ला नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)