गतवर्षीच्या दसऱ्यास ४४ स्मॉल कॅप कंपन्यात गुंतवणूक करणारे या दसऱ्यास झाले मालामाल
गत वर्षीच्या दसऱ्याच्या शुभ मुहूर्तावर शेअर बाजारातील ज्या ४४ स्मॉलकॅप शेअर्समध्ये गुंतवणूकदारांनी आपली रक्कम गुंतवली,ते या दसऱ्याला मालामाल झाले आहेत. कारण त्यांना या शेअर्समुळे एका वर्षाच्या कालावधीत घसघशीत परतावा मिळाला आहे.
खरे तर,यावेळी व्यापक स्तरावरचे आर्थिक वातावरण आणि वाढत्या व्याजदराशी संबंधित चिंतेमुळे या कालावधीत सेन्सेक्स ६ % पेक्षा जास्त अंशांनी घसरला. तरीही या शेअर्सची कामगिरी कौतुकास्पद म्हटली पाहिजे . उदाहरणार्थ आय टी एनेबल्ड सर्व्हिसेस ( आय टी ई एस ) क्षेत्रातील क्रेसांडा सोल्युशन्स कंपनीचा शेअर . याचे बाजारपेठीय भांडवल १४०० कोटी रुपयांपेक्षा क्षा कमी आहे. पण २०२१ च्या दसऱ्या पासून स्मॉलकॅप जगतात तो अव्वल स्थानावर आहे,सुमारे १५०० % च्या उत्साहवर्धक रॅलीसह हा शेअर २ रुपयांवरून ३४ रुपयांवर गेला.
केपीआय ग्रीन एनर्जी च्या शेअर्सने देखील या कालावधीत तडाखेबंद फलंदाजासारखी उत्तम कामगिरी केली .त्याच्यात जवळपास ५०० % ची वाढ झाली आहे तर ज्योती रेजिन्स अँड अँडेसिव्हज,मिर्झा इंटरनॅशनल आणि ऑटोमोटिव्ह स्टॅम्पिंग्सने ३७५ ते ४२४ % पर्यंत नफा कमावला आहे.
इतर स्मॉलकॅप्स जे या कालावधीत दुप्पट झाले,त्यामध्ये चॉईस इंटरनॅशनल,साधना नायट्रो केम,फिनोटेक्स केमिकल,डीबी रियल्टी,लॉयड्स स्टील्स इंडस्ट्रीज,शॉपर्स स्टॉप,राजरतन ग्लोबल वायर आणि टीजीव्ही एसआरएसीसी यांचा समावेश आहे.
खालील शेअर्सही वधारले
शेअर | परतावा |
शिवालिक बायमेटल कंट्रोल्स | १६०. २७% |
विष्णू केमिकल्स | १५४, ६७ % |
अरिहंत कॅपिटल मार्केट्स | १५० % |
वारी रिन्युएबल टेक्नॉलॉजीज | १४३. ३९ % |
जगसनपाल फार्मास्युटिकल्स | १३४ . ५४ % |
मोनार्क नेटवर्थ कॅपिटल | १३३.२२ % |
बेएल एस इंटरनॅशनल सर्व्हिसेस | १३२.७६% |
वाडीलाल इंडस्ट्रीज | १३०. ६१ % |
रेमंड | १३०. २६ % |
एकीकडे काही कंपन्यांनी गुंतवणूकदारांना उत्तम परताव्याच्या रूपाने दसऱ्याची भेट दिली असली तरी काही कंपन्यांनी त्याचे पैसे बुडवले, हीदेखील वस्तुस्थिती आहे.
उदाहरणार्थ, फ्युचर रिटेलचा शेअर गेल्या एका वर्षात ९३ % ने खाली आला आहे तर फ्युचर कन्झ्युमर सुमारे ७६ % खाली आहे. इतर सर्वात वाईट कामगिरी करणाऱ्यांमध्ये गायत्री प्रोजेक्ट्स, फ्युचर लाइफस्टाइल फॅशन आदींचा समावेश आहे.
संबंधित बातम्या