कंपनीचा तिमाही नफा ८८ टक्क्यांनी वाढला; आता शेअरचे तुकडे करण्याची योजना

आरडीबी इन्फ्रास्ट्रक्चर अँड पॉवरच्या शेअरचा भाव गुरुवारी, १३ फेब्रुवारीरोजी सुमारे १ टक्क्यांनी वाढून ५७० रुपयांवर पोहोचला. व्यवहाराअंती हा शेअर ५६३ रुपयांपर्यंत खाली आला. मार्च २०२४ मध्ये हा शेअर ११५.८८ रुपये आणि डिसेंबर २०२४ मध्ये ६१२.६५ रुपयांवर होता. शेअरचा हा अनुक्रमे ५२ आठवड्यांचा नीचांकी आणि उच्चांकी स्तर आहे. आरडीबीच्या शेअरने गेल्या वर्षी २८५ टक्के आणि पाच वर्षांत ३,००० टक्क्यांची प्रभावी वाढ नोंदवून गुंतवणूकदारांना मल्टीबॅगर परतावा दिला.

लिक्विडिटी वाढवण्यासाठी आणि गुंतवणूकदारांना आकर्षित करण्यासाठी आरडीबी इन्फ्रास्ट्रक्चरने १:१० स्टॉक स्प्लिटचा प्रस्ताव ठेवला आहे. याअंतर्गत प्रत्येक विद्यमान इक्विटी शेअरप्रत्येकी १ रुपयांच्या दहा शेअर्समध्ये विभागला जाईल. कंपनीने या बदलासाठी २८ फेब्रुवारी ही विक्रमी तारीख निश्चित केली आहे. बाजारपेठेची स्थिती मजबूत करताना गुंतवणूकदारांचा आधार वाढविण्याच्या उद्देशाने हे पाऊल उचलण्यात आले आहे. सभासदांची मंजुरी मिळाल्यानंतर २ ते ३ महिन्यांत स्टॉक स्प्लिट पूर्ण होणे अपेक्षित असल्याचे कंपनीने म्हटले आहे.

(डिस्क्लेमर: हे वृत्त केवळ माहितीपर आहे. तज्ज्ञांची मतं, सूचना व शिफारशी त्यांच्या वैयक्तिक आहेत. हिंदुस्तान टाइम्स मराठी कोणत्याही प्रकारच्या गुंतवणुकीचा सल्ला देत नाही. त्यामुळं गुंतवणूक करण्याआधी आर्थिक सल्लागाराशी चर्चा करा.)